မော်လမြိုင်၊ နိုဝင်ဘာ ၂၂
မွန်ပြည်နယ်အတွင်း တိုင်းရင်းသားလူမျိုးများ၏ စကား၊ စာပေ၊ အနုပညာ၊ ယဉ်ကျေးမှု၊ ရိုးရာဓလေ့ထုံးတမ်း၊ အမျိုးသားရေးလက္ခဏာနှင့် သမိုင်းအမွေအနှစ်တို့ကို မပျောက်မပျက်ထိန်းသိမ်းစာင့်ရှောက်၍ တိုင်းရင်းသားအချင်းချင်း စည်းလုံးညီညွတ်ရေး၊ ချစ်ကြည်လေးစားရေးနှင့် ရိုင်းပင်းကူညီရေးတို့ တိုးတက်ဖြစ်ထွန်းစေရန် ရည်ရွယ်၍
မွန်ပြည်နယ်၊ တိုင်းရင်းသားယဉ်ကျေးမှု စင်တာကို မော်လမြိုင်မြို့၊ မင်းရွာကျေးရွာ၌ တည်ဆောက်လျက်ရှိရာ မွန်ပြည်နယ်ဝန်ကြီးချုပ် ဦးအောင်ကြည်သိန်း၊ ပြည်နယ်ဝန်ကြီးများ၊ တာဝန်ရှိသူများသည် နိုဝင်ဘာလ ၂၂ ရက်နေ့၊ နံနက်ပိုင်းက တိုင်းရင်းသားယဉ်ကျေးမှု စင်တာ တည်ဆောက်ရေးစီမံကိန်းသို့ရောက်သို့ရောက်ရှိခဲ့ကြပြီး ရှေးဦးစွာ စီမံကိန်းရှင်းရှင်းလင်းဆောင်တွင် တည်ဆောက်ရေးလုပ်ငန်း တာဝန်ရှိသူများမှ လုပ်ငန်းတစ်ခုချင်းစီအလိုက် ဆောင်ရွက်လျက်ရှိသည့် လုပ်ငန်းစဉ်များနှင့် ပတ်သက်၍ ရှင်းလင်းတင်ပြခဲ့ကြသည်။
ဆက်လက်ပြီး ပြည်နယ်ဝန်ကြီးချုပ်က မွန်ပြည်နယ်တွင် မွန်၊ ဗမာ၊ ပအိုဝ်း၊ ကရင် နှင့် အခြားတိုင်းရင်းသားများ စုပေါင်းနေထိုင်ကြရာ တိုင်းရင်းသားတို့၏ ရိုးရာယဉ်ကျေးမှု၊ အနုပညာ များကို တစ်နေရာတည်းတွင် အလွယ်တကူ အများပြည်သူ ဝင်ရောက်လေ့လာနိုင်သော တိုင်းရင်းသားယဉ်ကျေးမှုစင်တာ တည်ဆောက်နေပြီဖြစ်သည့် အတွက်အထူးပင် ဝမ်းမြောက်ဂုဏ်ယူမိပါကြောင်း၊ တည်ဆောက်ရေးလုပ်ငန်းများ နှောင့်နှေးကြန့်ကြာမှုမရှိစေရေး တွန်းအားပေးဆောင်ရွက်သွားကြရန်လိုအပ်ပြီး မြေပြင်ဧရိယာနှင့် ကွဲလွဲမှုမရှိရစရေး၊ တိကျမှန်ကန်သည့်တွက်ချက်မှုများဖြင့် စနစ်တကျ တည်ဆောက်နိုင်ရေး ကြပ်မတ်ဆောင်ရွက်သွားကြရန်လိုကြောင်း၊ သတ်မှတ်ဘဏ္ဏာရေးရေးနှစ်အတွင်း အချိန်မီပြီးစီးစေရေးနှင့် စံညီးစံညွှန်းနှင့် ကိုက်ညီစေရေး အထူးအလေးထားဆောင်ရွက်ပေးကြရန်ဖြင့် လမ်းညွှန်မှာကြားခဲ့သည်။
အဲဒီနောက် တာဝန်ရှိသူများက ဖြည့်စွက်ဆွေးနွေးတင်ပြခဲ့ကြမှုအပေါ် ပြည်နယ်ဝန်ကြီးချုပ်က လိုအပ်သည်များကို ပေါင်းစပ်ညှိနှိုင်းဆောင်ရွက်ပေးခဲ့ပြီး တိုင်းရင်းသားယဉ်ကျေးမှု စင်တာ တည်ဆောက်ရေးလုပ်ငန်းများအား ကြည့်ရှုစစ်ဆေးခဲ့သည်။
မွန်ပြည်နယ်အတွင်း မီးရထား၊ ရေယာဉ်နှင့် မော်တော်ယာဉ်တို့ဖြင့် ပြောင်းဆံအိတ်များ တရားမဝင်သယ်ဆောင်ခဲ့မှုအား တားဆီး၊ စစ်ဆေး အရေးယူဆောင်ရာတွင် စွမ်းစွမ်းတမံ ကြိုးစားဆောင်ရွက်ခဲ့သည့် ဝန်ထမ်းများအား ဂုဏ်ပြုမှတ်တမ်းလွှာပေးအပ်ပွဲ အခမ်းအနားကို ယနေ့မွန်းလွဲပိုင်းက ပြည်နယ်အစိုးရအဖွဲ့ရုံး၊ ရာမညခန်းမ၌ ကျင်းပပြုလုပ်ခဲ့ရာ ပြည်နယ်ဝန်ကြီးချုပ်က မွန်ပြည်နယ်အနေဖြင့် တရားမဝင်ကုန်သွယ်မှုများကြောင့် နိုင်ငံတော်အတွက် ရထိုက်သော အခွန်ငွေများ ဆုံးရှုံးနစ်နာမှုများမရှိစေရေးနှင့် တရားမဝင်ကုန်သွယ်မှုများမရှိစေရေး အထူးအလေးထား ထိန်းချုပ်ဆောင်ရွက်လျက်ရှိပါကြောင်း၊ ပြည်နယ်အတွင်းသို့ ၂ဝ၂၃ ခုနှစ်အတွင်း မီးရထား၊ မော်တော်ယာဉ်၊ ရေယာဉ် တို့ဖြင့် တရားဝင်စာရွက်စာတမ်း အထောက်အထား တစ်စုံတစ်ရာ ပြသနိုင်ခြင်းမရှိဘဲ တစ်ဖက်နိုင်ငံသို့ တင်ပို့ရောင်းချမည့် ပြောင်းစေ့ အိတ်များကို တားဆီး၊ ဖမ်းဆီးရာတွင် မွန်ပြည်နယ်တရားမဝင် ကုန်သွယ်မှုတိုက်ဖျက်ရေးအထူးအဖွဲ့၏ ဦးဆောင်မှုဖြင့် ဆောင်ရွက်ခဲ့ကြသည့် ဝန်ထမ်းများအားလုံးကို မှတ်တမ်းတင်ဂုဏ်ပြုရခြင်းဖြစ်ကြောင်း၊ ပြည်သွင်း၊ ပြည်ပသို့ တင်သွင်း /တင်ပို့သည့် ပစ္စည်းများအား သက်ဆိုင်ရာဌာနများမှ သတ်မှတ်ထားသည့် ဥပဒေလုပ်ထုံးလုပ်နည်း များနှင့်အညီ ကျသင့်အခွန်များပေးဆောင်ပြီးမှသာလျှင် တင်သွင်း/ တင်ပို့ခွင့်များ ဆောင်ရွက်ပေးကြရန်လိုအပ်ပြီး တရားမဝင်ကုန်သွယ်မှုများ မရှိစေရေး ကြပ်မတ် ဆောင်ရွက်ကြရန်လိုကြောင်း၊ ယခုလို တားဆီး၊ ဖမ်းဆီး အရေးယူ ဆောင်ရွက်ရာတွင် ပါဝင်ထမ်းဆောင်ခဲ့ကြသော ဝန်ထမ်းများအား ချီးကျူးဂုဏ်ပြုပါကြောင်းနှင့် နောင်တွင်လည်း ပြည်နယ်၏ ဂုဏ်တက်အောင် စွမ်းစွမ်းတမံ ကျရာကဏ္ဍမှ ထမ်းဆောင်ကြစေလိုပါကြောင်းဖြင့် အမှာစကားပြောကြားခဲ့သည်။
ဆက်လက်ပြီး မွန်ပြည်နယ်အတွင်း မီးရထား၊ ရေယာဉ်နှင့် မော်တော်ယာဉ်တို့ဖြင့် ပြောင်းစေ့အိတ်များ တရားမဝင် သယ်ဆောင်ခဲ့မှုအား တားဆီးခြင်း၊ စစ်ဆေးခြင်း၊ လေလံအောင်မြင်သူထံ ထုတ်ပေးခြင်း Video Clip မှတ်တမ်းအား ပြသခဲ့ပြီး ပြည်နယ်ဝန်ကြီးချုပ်က မွန်ပြည်နယ်အတွင်း မီးရထား၊ ရေယာဉ်နှင့် မော်တော်ယာဉ်တို့ဖြင့် ပြောင်းဆံအိတ်များ တရားမဝင်သယ်ဆောင်ခဲ့မှုအား တားဆီး၊ စစ်ဆေး အရေးယူဆောင်ရာတွင် စွမ်းစွမ်းတမံ ကြိုးစားဆောင်ရွက်ခဲ့သည့် ဝန်ထမ်းများအား ဂုဏ်ပြုမှတ်တမ်းလွှာများ ပေးအပ်ခဲ့သည်။
အဲဒီနောက် ပြည်နယ်ဝန်ကြီးများ၊ ပြည်နယ်ဥပဒေချုပ်၊ အစိုးရအဖွဲ့အတွင်းရေးမှူးတို့က ဂုဏ်ပြုမှတ်တမ်းလွှာများ ဆက်လက်ပေးအပ်ခဲ့ကြပြီး အမှတ်တရစုပေါင်း မှတ်တမ်းတင်ဓါတ်ပုံရိုက်ကူးခဲ့ကြကြောင်း သိရှိရသည်။
