ရထားခရီးစဉ်ပြေးဆွဲ ဆောင်ရွက်နေမှု အခြေအနေအား ကြည့်ရှုအားပေး၊ အဝေးပြေးကားဝင်း တိုးချဲ့မည့် မြေနေရာအား ကြည့်ရှုစစ်ဆေး၊ တိုင်းရင်းသားယဉ်ကျေးမှုဗဟိုဌာန တည်ဆောက်ရန်အတွက် ဌာနပိုင်မြေတန်ဖိုးနှင့် အပင်တန်ဖိုး ပေးလျေသည့် အခမ်းအနား တက်ရောက်

မော်လမြိုင်၊ အောက်တိုဘာ ၂၁
မွန်ပြည်နယ်အတွင်း ခရီးသွားပြည်သူများ စိတ်အေးချမ်းသာစွာ ခရီးသွားလာနိုင်ရေးအတွက် မွန်ပြည်နယ် ဝန်ကြီးချုပ် ဦးဇော်လင်းထွန်း၊ ပြည်နယ်ဝန်ကြီးများနှင့် တာဝန်ရှိသူများသည် ၂၀၂၂ ခုနှစ်၊ အောက်တိုဘာလ ၂၁ ရက်နေ့၊ နံနက်ပိုင်းက မော်လမြိုင်ဘူတာကြီး၌ ဘူတာရုံပရဝုဏ်အတွင်း၊ အပြင် သန့်ရှင်းသာယာလှပစေရေးတို့ကို ဆောင်ရွက်ထားရှိမှု အခြေအနေအား ကြည့်ရှုစစ်ဆေးပြီး မော်လမြိုင်- ရန်ကုန် လေအိတ်ရထားပြေးဆွဲနေမှုအခြေအနေကို ကြည့်ရှုအားပေးကာ ခရီးသွားပြည်သူများအား ရင်းရင်းနှီးနှီး လိုက်လံ နှုတ်ဆက်သည်။
ထို့နောက် မြန်မာ့မီးရထား (ပို့ဆောင်ရေး၊ တိုင်းအမှတ်-၈)မှ တာဝန်ရှိသူများနှင့် တွေ့ဆုံ၍ ရထားခရီးစဉ်များ ပြေးဆွဲဆောင်ရွက်နေခြင်းနှင့် ပတ်သက်၍ ရှင်းလင်းတင်ပြခဲ့ကြမှုအပေါ် ပြည်နယ်ဝန်ကြီးချုပ်က ခရီးသွားပြည်သူများ အဆင်ပြေချောမွေ့စွာ ခရီးသွားလာနိုင်ရေး၊ ဘူတာရုံများ ဥပတိရုပ်ကောင်းမွန်စေရေး ဆောင်ရွက်ပေးကြရန်၊ မီးရထားပိုင်မြေများတွင် ကျူးကျော်နေထိုင်မှုများ မရှိစေရေးနှင့် ရထားလမ်းဘေး ဝဲ၊ ယာ တစ်လျောက် သစ်ပင်၊ ခြုံနွယ်များ ရှင်းလင်းစေရေး ဆောင်ရွက်ကြရန် မှာကြားကာ ပေါင်းစပ်ညှိနှိုင်း ဆောင်ရွက်ပေးခဲ့သည်။
အဲဒီနောက် မော်လမြိုင်အဝေးပြေးကားဝင်း တိုးချဲ့မည့် မြေနေရာအား ကြည့်ရှုစစ်ဆေးပြီး တာဝန်ရှိသူမှ ဆောင်ရွက်မည့်လုပ်ငန်းအစီအစဉ်များအား ရှင်းလင်းတင်ပြခဲ့ကြပြီး ပြည်နယ်ဝန်ကြီးချုပ်က လိုအပ်သည်များကို လမ်းညွှန်မှာကြားသည်။
အဲဒီကမှတစ်ဆင့် ပြည်နယ်အစိုးရအဖွဲ့ရုံး၊ အောင်ဆန်းခန်းမ၌ ကျင်းပပြုလုပ်သည့် တိုင်းရင်းသားယဉ်ကျေးမှုဗဟိုဌာန တည်ဆောက်ရ
န်အတွက် ဌာနပိုင်မြေတန်ဖိုးနှင့် အပင်တန်ဖိုး ပေးလျော်သည့် အခမ်းအနားသို့ တက်ရောက်၍ ပြည်နယ်ဝန်ကြီးချုပ်က မွန်ပြည်နယ်အတွင်း မှီတင်းနေထိုင်ကြသည့် တိုင်းရင်းသားလူမျိုးများ၏ ရိုးရာယဉ်ကျေးမှု အမွေအနှစ်များကို မပျောက်ပျက်စေရေး ထိန်းသိမ်းဖော်ဆောင်ပေးလျက်ရှိကြောင်း၊ ဒေသတွင်း စီးပွားရေးဖွံ့ဖြိုးတိုးတက်လာသည်နှင့် တစ်ပြိုင်နက် ကုန်စည်စီးဆင်းမှု ၊ခရီးသွားများဝင်ရောက်မှုများ အပါအဝင် ယဉ်ကျေးမှုအမွေအနှစ်များ ဖော်ထုတ်ပြသနိုင်ရေးသည် အရေးကြီးသည့် အခန်းကဏ္ဍမှ ပါဝင်လာမည်ဖြစ်ကြောင်း၊ ပြည်နယ်၏ တိုင်းရင်းသားယဉ်ကျေးမှုဗဟိုဌာန တည်ဆောက်ရန် လိုအပ်သည့် မြေဧက(၂ဝ)အား စက်မှုဝန်ကြီးဌာနမှ ပြန်လည်စွန့်လွှတ်ပေးသည့်အတွက် အထူးကျေးဇူးတင်ရှိပါကြောင်း၊ တိုင်းရင်းသားအားလုံး ချစ်ကြည်စည်းလုံးစွာဖြင့် အတူတကွယှဉ်တွဲနေထိုင်ကာ ယဉ်ကျေးမှု ဓလေ့ထုံးတမ်း အစဉ်အလာများ ထွန်းကားပြန့်ပွားရေးအတွက် အားလုံးဝိုင်းဝန်းပူးပေါင်း ဆောင်ရွက်ပေးကြရန် ပြောကြားသည်။
ထို့နောက် ပြည်နယ် တိုင်းရင်းသားရေးရာဝန်ကြီး ဦးခင်မောင်ဦးမှ တိုင်းရင်းသားယဉ်ကျေးမှုဗဟိုဌာန တည်ဆောက်ရန် မြေစွန့်လွှတ်ခြင်းအတွက် ကျေးဇူးတင် စကားပြောကြားပြီး မော်လမြိုင်မြို့၊ မင်းရွာရာဘာခြံမှ မြေဧက(၂ဝ) အတွင်း စိုက်ပျိုးထားသည့် ရော်ဘာပင် (၄၄၀၅)ပင်အတွက် များအတွက် ဌာနပိုင်မြေတန်ဖိုးနှင့် အပင်တန်ဖိုး လျော်ကြေးငွေများကို အမှတ်(၂၇)စက်မှုကုန်ကြမ်းဌာနနှင့် အကျိုးတူလုပ်ငန်းရှင်ထံသို့ အသီးသီးပေးအပ်ခဲ့သည်။