၂၀၂၂ ခုနှစ်၊ အောက်တိုဘာလ ၁၃ ရက်နေ့
မွန်ပြည်နယ် ကျိုက်ထိုမြို့နယ်ရှိ ဆံတော်ကျိုက်ထီးရိုး စေတီတော်မြတ်ကြီး၊ ကင်မွန်းချောင် တောင်တက်ကားဂိတ်အား ၂၀၂၂ ခုနှစ်၊ အောက်တိုဘာလ ၁၃ ရက်နေ့၊ နံနက်ပိုင်းတွင် KNLA တပ်မဟာ (၁) နှင့် NUG ၊ CRPH တို့၏ လက်ဝေခံ PDF အမည်ခံ အကြမ်းဖက်သမားများက လက်နက်ကြီး၊ လက်နက်ငယ်များဖြင့် အကြောင်းမဲ့ လူမဆန်စွာဖြင့် လာရောက်ပစ်ခတ်ခဲ့ခြင်းကြောင့် ဘုရားဖူးပြည်သူ (၁၈) ဦး ဒဏ်ရာရရှိပြီး (၄) ဦး သေဆုံးခဲ့ကြောင်း စိတ်နှလုံး မချမ်းမြေ့စွာ သိရှိရပါသည်။
ဤကဲ့သို့ အပြစ်မဲ့ဘုရားဖူးပြည်သူများအား ပစ်မှတ်ထားတိုက်ခိုက်သည့် အကြမ်းဖက် လုပ်ရပ်သည် စက်ဆုပ်ရွံရှာဖွယ်လူမဆန်သည့်လုပ်ရပ်ဖြစ်၍ မွန်ပြည်နယ် သတင်းမှန် ပြန်ကြားရေး ကော်မတီအနေဖြင့်လက်မခံနိုင်ပါကြောင်းနှင့် ပြင်းထန်စွာရှုတ်ချပါကြောင်း သဘောထားထုတ်ပြန်အပ်ပါသည်။
ထိုသို့ သဘောထားထုတ်ပြန်ချက်များကို မွန်ပြည်နယ်သတင်းမှန်ပြန်ကြားရေးကော်မတီ၊ မွန်ပြည်နယ် သံဃနာယကအဖွဲ့၊ မွန်ပြည်နယ်ဘာသာပေါင်းစုံချစ်ကြည်ညီညွတ်ရေးအဖွဲ့၊ မွန်ပြည်နယ်ဟိုတယ်လုပ်ငန်းရှင်များအသင်းတို့မှ ပြင်းထန်စွာရှုတ်ချပါကြောင်း သဘောထားထုတ်ပြန်ချက်များ ထုတ်ပြန်ထားပါသည်။
အလားတူ ဆံတော်ရှင်ကျိုက်ထီးရိုးဂေါပကအဖွဲ့ ၊ ကျိုက်ထီးရိုးတောင်တက်မော်တော်ယာဉ်အသင်း၊ ကျိုက်ထိုမြို့နယ် မြို့မိမြို့ဖများ၊ ကျိုက်ထီးရိုးရင်ပြင်တော်ဈေးကော်မတီများ၊ မွန်ပြည်နယ် ယာဉ်လုပ်ငန်းထိမ်းသိမ်းကြီးကြပ်ရေးကော်မတီနှင့် မြို့နယ်ယာဉ်လုပ်ငန်းထိမ်းသိမ်းကြီးကြပ်ရေးအဖွဲ့များနှင့် အရပ်ဘက် လူမှုအဖွဲ့အစည်းများကလည်း အသီးသီး အဘောထားထုတ်ပြန်ထားပါသည်။
