မော်လမြိုင် ဧပြီ ၂၉. ၂၀၂၅ခုနှစ် မေလ(၅)ရက်နေ့တွင်ကျရောက်မည့်(၇၉) နှစ်မြောက် မြန်မာနိုင်ငံမီးသတ်တပ်ဖွဲ့နေ့ကို ကြိုဆိုဂုဏ်ပြုသောအားဖြင့် စုပေါင်းသွေး လှူဒါန်းခြင်းကို ယနေ့နံနက်ပိုင်းက ေမာ်လမြိုင်မြို့ အမှတ်(၅) တပ်မတော် ကုတင်(၃၀၀)ဆေးရုံ၌ ပြုလုပ်ရာ ပြည်နယ်ဝန်ကြီးချုပ် ဦးအောင်ကြည်သိန်း၊ ပြည်နယ်တရားလွှတ်တော်တရားသူကြီးချုပ် ဦးညီညီစိုး၊ အစိုးရအဖွဲ့ဝင် ဝန်ကြီးများ၊ ဌာနဆိုင်ရာ တာဝန်ရှိသူများ မီးသတ်ဦးစီးဌာနမှတပ်ဖွဲ့ဝင်သွေးလှူရှင်များတက်ရောက်သည်။
ရှေးဦးစွာ ပြည်နယ်/ခရိုင်/မြို့နယ် မီးသတ်ဦးစီးဌာနမှ သွေးလှူဒါန်းကြမည့် ၀န်ထမ်းများအား အမှတ်(၅) တပ်မတော် ကုတင် (၃၀၀)ဆေးရုံမှ ကျန်းမာရေးဝန်ထမ်းများက သွေးအလှူရှင်များအား လိုအပ်သည့် ကျန်းမာရေးစစ်ဆေးခြင်း၊ သွေးပေါင်ချိန်ခြင်း၊ သွေးအုပ်စုခွဲခြားခြင်းများ ဆောင်ရွက်ပေးခဲ့ကြသည်။
ထိုနောက် မွန်ပြည်နယ် ဝန်ကြီးချုပ် ဦးအောင်ကြည်သိန်း၊ ပြည်နယ်တရားလွှတ်ေတာ်တရားသူကြီးချုပ်၊ပြည်နယ်အစိုးရအဖွဲ့ဝင် ဝန်ကြီးများက ပြည်နယ်၊ ခရိုင်၊ မြို့နယ်၊ မီးသတ်ဦးစီးဌာနမှ မီးသတ်တပ်ဖွဲ့ဝင်(၅၀)ဦးတို့၏ စုပေါင်းသွေး လှူဒါန်းနေမှုများကို လိုက်လံကြည့်ရှု အားပေးခဲ့ကြပြီး သွေးလှူဒါန်းကြသူများအား အားဖြည့် ဆေးဝါးများ၊ အချိုရည်၊ အစားအစာ နှင့်ချီးမြှင့်ငွေများ ပေးအပ်ခဲ့ကြောင်း သိရှိရသည်။
