မော်လမြိုင်၊ ဧပြီ ၁၇
မြန်မာ့ရိုးရာမဟာသင်္ကြန် ပိတ်ပွဲ အခမ်းအနားနှင့် ဆုချီးမြှင့်ပွဲ အခမ်းအနားကို ဧပြီလ ၁၆ ရက်နေ့၊ ညနေပိုင်းက အရှေ့တောင်တိုင်းစစ်ဌာနချုပ် မဟာအတာသင်္ကြန်ပွဲတော် ရေကစားမဏ္ဍပ်၌ ကျင်းပပြုလုပ်ရာ မွန်ပြည်နယ်ဝန်ကြီးချုပ် ဦးအောင်ကြည်သိန်း၊ အရှေ့တောင်တိုင်း စစ်ဌာနချုပ် တိုင်းမှူး ဗိုလ်မှူးချုပ် စိုးမင်း နှင့်ပြည်နယ်၀န်ကြီးများတက်ရောက်၍ တပ်ရင်း၊ တပ်ဖွဲ့မိသားစုဝင်များမှ ယိမ်းအကအလှများဖြင့် ကပြခဲ့ကြပြီး တိုင်းစစ်ဌာနချုပ် မော်လမြိုင်/မုဒုံတပ်နယ်မှ ဆုရရှိကြသည့် ပြိုင်ပွဲဝင် ယိမ်းအဖွဲ့ များအား ဂုဏ်ပြုဆုငွေများ အသီးသီးချီးမြှင့်ခဲ့ပြီး အရှေ့တောင်တိုင်း စစ်ဌာနချုပ် တိုင်းမှူးမှ နှစ်သစ်ကူးနှုတ်ခွန်းဆက်စကားပြောကြားခဲ့ကာ သင်္ကြန်တေးသီချင်းများဖြင့် ပျော်ရွှင်စွာ မဟာသင်္ကြန်ပွဲတော်အား ပိတ်သိမ်းခဲ့ကြသည်။
ဆက်လက်ပြီး မွန်ပြည်နယ် မြန်မာ့ရိုးရာမဟာသင်္ကြန်ပွဲတော် ပိတ်ပွဲအခမ်းအနားနှင့် ဆုချီးမြှင့်ပွဲအခမ်းအနားကို မော်လမြိုင်မြို့၊ ကမ်းနားလမ်း၊ မွန်ပြည်နယ် ဗဟိုမဏ္ဍပ်၌ ကျင်းပပြုလုပ်ရာ ပြည်နယ်ဝန်ကြီးချုပ်ချုပ်၊ တိုင်းမှူး၊ ပြည်နယ်ဝန်ကြီးများက ပထမ၊ ဒုတိယ၊ တတိယ ဆုနှင့် အထူးဆုရရှိကြသည့် ပြိုင်ပွဲဝင်ယိမ်းအဖွဲ့များအား ဂုဏ်ပြုဆုငွေနှင့် ဂုဏ်ပြုဆုဖလားများ ချီးမြှင့်ခဲ့ကြသည်။
အဲဒီနောက် ယိမ်းအဖွဲ့ များမှ လှပျိုဖြူလေးများက သင်္ကြန်တေးသီချင်းများဖြင့် ယိမ်းအကအလှများ စုပေါင်းကပြခဲ့ကြပြီး ပြိုင်ပွဲဝင် ပထမ၊ ဒုတိယ၊ တတိယ ဆုရရှိကြသည့် ယိမ်းအဖွဲ့များမှ ယိမ်းအကအလှများဖြင့် ဖျော်ဖြေတင်ဆက်နေမှုများအား ကြည့်ရှုအားပေးခဲ့ကြပြီး ပြည်နယ်ဝန်ကြီးချုပ်နှင့် တိုင်းမှူးတို့က အတာရေစင် အမွှေးနံသာရေများ ပတ်ဖြန်းခဲ့ကြ၍ ခေတ်ပေါ်တေးဂီတ တီးဝိုင်းနှင့် တေးသံရှင်များ၏ သီဆိုဖျော်ဖြေတင်ဆက်မှုများအား သီဆိုဖျော်ဖြေခဲ့ကြသည်။
မွန်ပြည်နယ်အတွင်း နှစ်ဟောင်းကုန်၍ နှစ်ကူးပြောင်းသည့် နှစ်သစ်ကိုကူးပြောင်းသော အချိန်အခါသာမယ မြန်မာနှစ်ဆန်းတစ်ရက်နေ့တွင် မြန်မာလူမျိုးတို့၏ ဓလေ့ထုံထမ်းအစဉ်အလာအရ သံဃာတော်များကို ဆွမ်းဆက်ကပ်လှူဒါန်းခြင်း၊ ဇီဝိတဒါနငါးလွှတ်ခြင်း၊ သက်ကြီးပူဇော်ခြင်းတို့ဖြင့် ကုသိုလ်ယူလျက်ရှိရာ ပြည်နယ်ဝန်ကြီးချုပ်၊ တိုင်းမှူးနှင့် ပြည်နယ်ဝန်ကြီးများသည် ဧပြီလ ၁၇ ရက်နေ့၊ နံက်ပိုင်းက မော်လမြိုင်မြို့၊ ကမ်းနားလမ်း၊ ဆိပ်ကမ်းသာတံတား၌ ကျင်းပပြုလုပ်သည့် ဇီဝိတဒါနငါးလွှတ်ပွဲတွင် သထုံငါးဖောက်စခန်းမှထုတ်သော ၂ လက်မနှင့်အထက် အရွယ်အစားရှိ ငါးမြစ်ချင်းငါးသားပေါက်ကောင်ရေ (၂)သိန်းအား သံလွင်မြစ်အတွင်းသို့ ဇီဝိတဒါန အဖြစ် ထည့်လွှတ်ကုသိုလ်ယူခဲ့ကြသည်။
မြန်မာနှစ်ဆန်း တစ်ရက်နေ့ သက်ကြီးပူဇော်ပွဲ အခမ်းအနားကို ယနေ့နံနက်ပိုင်းက မော်လမြိုင်မြို့၊ တောင်ဝိုင်း ဘိုးဘွားရိပ်သာ၌ ကျင်းပပြုလုပ်ခဲ့ရာ ပြည်နယ်ဝန်ကြီးချုပ်၊ တိုင်းမှူးနှင့် ပြည်နယ်ဝန်ကြီးများက ဦးစွာ ဘိုးဘွားများအား ဩဝါဒကန်တော့ချိုးဖြင့် ကန်တော့ခဲ့ကြပြီး တောင်ဝိုင်းဘိုးဘွားရိပ်သာရှိ ဘိုးဘွားတစ်ဦးချင်းစီအတွက် ဂါရ၀ ပစ္စည်းများ ပေးအပ်ခဲ့ကြသည်။
အဲဒီနောက် တောင်ဝိုင်း ဘိုးဘွားရိပ်သာ စောင့်ရှောက်ရေးအဖွဲ့ တာဝန်ရှိသူမှ ရိပ်သာ၏ လုပ်ငန်းဆောင်ရွက်ချက်များအား ရှင်းလင်းပြောကြားခဲ့ပြီး အဘိုးတစ်ဦး၊ အဘွား တို့ ကိုယ်စားတစ်ဦးတို့က မေတ္တာဆုတောင်း ပို့သပေးခဲ့ကြသည်။
