မော်လမြိုင်၊ ဧပြီ ၁၆
မွန်ပြည်နယ်အတွင်း မြန်မာသက္ကရာဇ် ၁၃၈၄ ခုနှစ်၊ မြန်မာရိုးရာမဟာသင်္ကြန် ပွဲတော် သင်္ကြန်အကြတ်နေ့ကို အေးချမ်းစွာနှင့် စည်ကားသိုက်မြိုက်စွာဆင်ယင်ကျင်းပလျက်ရှိပြီး အများပြည်သူများမှ ပျော်ရွှင်စွာရေသဘင်ပွဲအား ဆင်နွှဲလျက်ရှိရာ မွန်ပြည်နယ်ဝန်ကြီးချုပ် ဦးအောင်ကြည်သိန်း၊ အရှေ့တောင် တိုင်း စစ်ဌာနချုပ် တိုင်းမှူး ဗိုလ်မှူးချုပ် စိုးမင်း နှင့်ပြည်နယ် ၀န်ကြီးများသည် ဧပြီလ ၁၅ ရက်နေ့၊ နံနက်ပိုင်းက အရှေ့တောင်တိုင်းစစ်ဌာနချုပ် မြန်မာ့ရိုးရာယဉ်ကျေးမှု မဟာအတာသင်္ကြန်ပွဲတော် ရေကစားမဏ္ဍပ်၌ တပ်ရင်း၊ တပ်ဖွဲ့မိသားစုဝင်များမှ၊ပျော်ရွှင်စွာ ပျော်ရွှင်စွာရေသဘင်ပွဲ ဆင်နွှဲခြင်း၊ ယိမ်းအကအလှများဖြင့် ကပြခြင်း၊ တေးသီချင်းများ တီဆိုနေခြင်းတို့ကို ကြည့်ရှုအားပေးခဲ့ကာ ဂုဏ်ပြုဆုငွေများ ချီးမြှင့်ခဲ့ကြသည်။
ထို့နောက် ပြည်နယ်ဝန်ကြီးချုပ်၊ တိုင်းမှူး၊ ပြည်နယ်ဝန်ကြီးများသည် ချောင်းဆုံမြို့၊ မဟာသင်္ကြန်ဗဟိုမဏ္ဍပ်သို့ရောက်ရှိခဲ့ကြပြီး ဦးစွာ ယိမ်းအကအဖွဲ့များမှ လှပျိုဖြူလေးများက သင်္ကြန်ယိမ်းအကများဖြင့် ဖျော်ဖြေတင်ဆက်ခဲ့ကြပြီး အများပြည်သူများ ပျော်ရွှင်စွာနှင့် ရေကစားနေမှုများနှင့် ပျော်ရွှင်စွာရေပက်ခံထွက်နေများအား ကြည့်ရှုအားပေးကာ အတာရေစင်အား အမွှေးနံသာရေများကို သပြေခတ်ဖြင့် ပတ်ဖြန်းခဲ့ကြကာ ပြည်နယ်ဝန်ကြီးချုပ်နှင့် တိုင်းမှူးနှင့် တာဝန်ရှိသူများက ကပြဖျော်ဖြေခဲ့ကြသော ယိမ်းအဖွဲ့များအား ဂုဏ်ပြုဆုငွေများ အသီးသီး ချီးမြှင့်ခဲ့ကြသည်။
အဲဒီနောက် ပြည်နယ်ဝန်ကြီးချုပ်နှင့် တိုင်းမှူးတို့သည် ပေါင်မြို့၊ မဟာသင်္ကြန်ဗဟိုမဏ္ဍပ်သို့ရောက်ရှိခဲ့ကြပြီး ဗဟိုမဏ္ဍပ်တွင် ပျော်ရွှင်စည်ကားစွာ ရေကစားနေမှုများ၊ ယိမ်းအကအလှများဖြင့် ဖျော်ဖြေတင်ဆက်နေမှုများကို ကြည့်ရှုအားပေးခဲ့ကြကာ အတာရေစင် အမွှေးနံသာရေများ ပတ်ဖြန်းခဲ့ကြကာ ဂုဏ်ပြုဆုငွေများ ချီးမြှင့်ခဲ့ကြသည်။
မြန်မာနိုင်ငံ၏ ရိုးရာယဉ်ကျေးမှုအမွေအနှစ်ဖြစ်သည့် မြန်မာ့ရိုးရာ ယဉ်ကျေးမှုမဟာသင်္ကြန်ပွဲတော်ကို တိုင်းဒေသကြီးနှင့် ပြည်နယ်များမှာ ပျော်ရွှင်စည်ကားသိုက်မြိုက်ကျင်းပလျက်ရှိရာ မွန်ပြည်နယ်ဝန်ကြီးချုပ် ဦးအောင်ကြည်သိန်း၊ အရှေ့တောင် တိုင်း စစ်ဌာနချုပ် တိုင်းမှူး ဗိုလ်မှူးချုပ် စိုးမင်းတို့သည် ယနေ့မွန်းလွဲပိုင်းက ကရင်ပြည်နယ် ဘာအံမြို့သို့ရောက်ရှိခဲ့ကြပြီး ကရင်ပြည်နယ်ဝန်ကြီးချုပ် ဦးစောမြင့်ဦးနှင့်အတူ ကရင်ပြည်နယ် ဗဟိုမဏ္ဍပ်၌ ယိမ်းအကအလှများဖြင့် ဖျော်ဖြေတင်ဆက်ခြင်း၊ ခေတ်ပေါ်တေးဂီတဖြင့် ဖျော်ဖြေတင်ဆက်ခြင်းတို့အား ကြည့်ရှုအားပေးခဲ့ကြပြီး
ဘာအံမြို့ပေါ်ရှိ၊ ဖျော်ဖြေရေးမဏ္ဍပ်၊ ရေကစကားမဏ္ဍပ်တို့အား လှည့်ည်ကြည့်ရှုအားပေးခဲ့ကြကာ လမ်းလျှောက်သင်္ကြန်ပွဲတော်တွင် အများပြည်သူများနှင့်အတူ ရင်းနှီးပျော်ရွှင်စွာ အတာရေသဘင်ပွဲအား ပျော်ရွှင်စွာဆင်နွှဲခဲ့ကြသည်။
အဲဒီကမှတစ်ဆင့် မွန်ပြည်နယ်ဝန်ကြီးချုပ်နှင့် တိုင်းမှူးတို့သည် အမှတ် (၂၂) ခြေလျင်တပ်မဌာနချုပ် ရေကစားမဏ္ဍပ်တွင် တပ်ရင်း၊ တပ်ဖွဲ့မိသားစုဝင်များအား မိသားစုသဖွယ်ချစ်ကြည်ရင်းသောအားဖြင့် တစ်ပျော်တစ်ပါး ပျော်ရွှင်စွာရေသဘင်ပွဲကို ပါဝင်ဆင်နွှဲခဲ့ကြပြီး ယိမ်းအဖွဲ့များအား ဂုဏ်ပြုဆုငွေများ ချီးမြှင့်ခဲ့ကြသည်။
ယင်းနောက် ပြည်နယ်ဝန်ကြီးချုပ်နှင့် တိုင်းမှူးတို့သည် မော်လမြိုင်မြို့၊ ကမ်းနားလမ်း၊ မွန်ပြည်နယ် ဗဟိုမဏ္ဍပ်တွင် ပြိုင်ပွဲဝင်ယိမ်းအဖွဲ့များ၏ ပြိုင်ပွဲဝင် ယိမ်းအကအလှများအား လည်းကောင်း၊ ခေတ်ပေါ်တေးဂီတ တီးဝိုင်နှင့် တေးသံရှင်များ၏ သီဆိုဖျော်ဖြေတင်ဆက်မှုများအား လည်းကောင်း ကြည့်ရှုအားပေးခဲ့ကြသည်။
မွန်ပြည်နယ်ဝန်ကြီးချုပ် ဦးအောင်ကြည်သိန်း၊ အရှေ့တောင် တိုင်း စစ်ဌာနချုပ် တိုင်းမှူး ဗိုလ်မှူးချုပ် စိုးမင်း နှင့်ပြည်နယ် ၀န်ကြီးများသည် ဧပြီလ ၁၆ ရက်နေ့၊ နံနက်ပိုင်းက ကျိုက်မရောမြို့၊ ကျိုက်မရောဘုရားကြီးသို့ ရောက်ရှိခဲ့ကြပြီး ဦးစွာ ဘုရာကြီးကျောင်းဆရာတော် အဂ္ဂမဟာ သဒ္ဓမ္မဇောတိကဓဇ ဘဒ္ဒန္တ ဝါရိန္ဒ ကို ဖူးမြော်ကြည်ညို၍ လှူဖွယ်ဝတ္ထုပစ္စည်းများ ဆက်ကပ်လှူဒါန်းခဲ့ကြကာ သာသနာရေးရာများလျှောက်ထားခဲ့ကြပြီး ကျိုက်မရောဘုရားကြီးကို ဖူးမြော်ကြည်ညို၍ ပန်း၊ ဆီမီး၊ ရေချမ်းနှင့် ရွှေသင်္ကန်းများ ကပ်လှူပူဇော်ခဲ့ကြသည်။
ထို့နောက် ကျိုက်မရောမြို့၊ မဟာသင်္ကြန်ဗဟိုမဏ္ဍပ်၌ ယိမ်းအကအလှများဖြင့် ဖျော်ဖြေတင်ဆက်နေမှုများအား ကြည့်ရှုအားပေးခဲ့ကြကာ ဂုဏ်ပြုဆုငွေများ ချီးမြှင့်ခဲ့ကြသည်။
