မော်လမြိုင်၊ နိုဝင်ဘာ ၂၃
မွန်ပြည်နယ်အတွင်း ပညာရေးဝန်ကြီးဌာန၊ အဆင့်မြင့်ပညာဦးစီးဌာန၊ တက္ကသိုလ်၊ ဒီကရီကောလိပ်များတွင် ၂၀၂၃- ၂၀၂၄ ပညာသင်နှစ်အတွက် ကျောင်းအပ်နှံ လက်ခံ ဆောင်ရွက်ပေးလျက်ရှိရာ မွန်ပြည်နယ်ဝန်ကြီးချုပ် ဦးအောင်ကြည်သိန်း၊ ပြည်နယ်ဝန်ကြီးများသည် ယနေ့မွန်းလွဲပိုင်းက မော်လမြိုင်တက္ကသိုလ်တွင် အထူးပြုဘာသာရပ်အလိုက် ပထမနှစ်မှ ပါရဂူတန်းအထိ ၂၀၂၃- ၂၀၂၄ ပညာသင်နှစ်အတွက် ကျောင်းအပ်နှံ လက်ခံ ဆောင်ရွက်ပေးနေ အခြေအနေတို့ကို ကြည့်ရှုအားပေးခဲ့ကြသည်။
ဆက်လက်ပြီး ပြည်နယ်ဝန်ကြီးချုပ်က မော်လမြိုင်တက္ကသိုလ်ရှိ ပညာသင်နှစ်အသီးသီးမှ အထူးပြုဘာသာရပ်အလိုက် ပထမနှစ်ဝက်၊ဒုတိယနှစ်ဝက်များဖြင့် ဖွင့်လှစ်သင်ကြားပေးနေမှုအပေါ် လိုက်လံကြည့်ရှုအားပေးခဲ့ကြသည်။
အဲဒီနောက် မော်လမြိုင်တက္ကသိုလ်၊ ဘက်စုံးသုံးခန်းမ အစည်းအဝေးခန်းတွင် မော်လမြိုင်တက္ကသိုလ် ဒုတိယပါမောက္ခချုပ် ဒေါက်တာခိုင်ခိုင်စန်းမှ မော်လမြိုင်တက္ကသိုလ်ဘာသာရပ်အလိုက် ကျောင်းအပ်နှံ လက်ခံ ဆောင်ရွက်ပေးမှုများ၊ ဖွင့်လှစ် သင်ကြားပေးနေမှု အခြေအနေများနှင့် ပတ်သက်၍ ရှင်းလင်းတင်ပြခဲ့ပြီး ပြည်နယ်ဝန်ကြီးချုပ်က မွန်ပြည်နယ်အတွင်း ပညာရေးကဏ္ဍ အရည်အသွေး တိုးတက်မြင့်မားရေးကို အထူးအလေးပေး ဆောင်ရွက်လျက်ရှိကြောင်း၊ ကျောင်းသူ၊ ကျောင်းသားများအား တစ်ဆင့်ပြီးတစ်ဆင့် ပညာ ဆက်လက်သင်ယူနိုင်ရန်အတွက် ဆရာ၊ ဆရာမများအနေဖြင့် မိမိကျရာ အခန်းကဏ္ဍမှ ကြိုးစားဆောင်ရွက်ကြဖို့ လိုအပ်သလို ကဏ္ဍအသီးသီးမှ လိုအပ်သည်များကိုလည်း ဖြည့်ဆည်းဆောင်ရွက်ပေးသွားမည်ဖြစ်ကြောင်း၊ တက္ကသိုလ်၊ ဒီကရီကောလိပ်များတွင် ပညာသင်နှစ်အလိုက် ကျောင်းသား၊ ကျောင်းသူများ၊ စိတ်အေးချမ််းသာစွာ၊ ပညာသင်ကြားနိုင်ရေးဆောင်ရွက်ပေးကြရန်နှင့် တက္ကသိုလ်၏ သွင်ပြင်လက္ခဏာပေါ်လွင်စေရေးနှင့် တက္ကသိုလ် ပုရဝုဏ် သန့်ရှင်းသာယာမှုရှိစေရေး ဆောင်ရွက်ပေးကြစေလိုကြောင်းဖြင့် လမ်းညွှန်အမှာစကားပြောကြားခဲ့ကာ မော်လမြိုင် တက္ကသိုလ်တာဝန်ရှိသူများမှ သင်ကြားပို့ ချနေသည့် ဆရာ၊ ဆရာမများ၏ ကြုံတွေ့ရသည့် အခက်အခဲများ၊ အရည်အချင်း ပြည့်ဝ၍ ဘက်စုံထူးချွန်သည့် ကျောင်းသား၊ ကျောင်းသူများ ဖြစ်လာစေရေးအတွက် လေ့ကျင့် ဆောင်ရွက်ပေးလျက်ရှိသည့် အခြေအနေများနှင့် ပတ်သက်၍ ဆွေးနွေးတင်ပြခဲ့ကြခဲ့ကြပြီး ပြည်နယ်ဝန်ကြီးများမှ ဖြည့်စွက်ဆွေးနွေးတင်ပြခဲ့ကြမှုအပေါ် ပြည်နယ်ဝန်ကြီးချုပ်က လိုအပ်သည်များကို ပေါင်းစပ်ညှိနှိုင်း ဆောင်ရွက်ပေးခဲ့ကာ မော်လမြိုင်တက္ကသိုလ်ရှိ ပါမောက္ခ၊ ဌာနမှူးများ၊ ကတိက၊ လက်ထောက်ကတိကများနှင့် ဆရာ၊ ဆရာမများအား ရင်းရင်းနှီးနှီးတွေ့ဆုံနှုတ်ဆက်ခဲ့သည်။
မော်လမြိုင်တက္ကသိုလ်တွင် အထူးပြုဘာသာရပ်အလိုက် ၂၀၂၃- ၂၀၂၄ ပညာသင်နှစ်အတွက် နိုဝင်ဘာလ ၂၃ ရက်နေ့အထိ ကျောင်းသား၊ ကျောင်းသူ (၅၈၆၁) ဦးကို ကျောင်းအပ်နှံ လက်ခံ ဆောင်ရွက်ခဲ့ပြီးဖြစ်ကြောင်း သိရှိရသည်။
