မော်လမြိုင်၊ ေမလ ၅
မွန်ပြည်နယ် ပြည်သူ့စစ်မှုထမ်းသင်တန်းအမှတ်စဉ် (၁၀) သင်တန်းဆင်းပွဲ အခမ်းအနားကို မေလ၅ရက်နေ့၊ နံနက်ပိုင်းက သထုံ မြို့နယ်၊ ဇရစ်ချောင်ကျေးရွာ အမှတ်(၉)စစ်အခြေခံလေ့ကျင့်ရေးတပ်၊စစ်ရေးပြကွင်း၌ကျင်းပပြုလုပ်ရာ ပြည်နယ်ပြည်သူ့စစ်မှုထမ်းဆင့်ခေါ်ရေးအဖွဲ့ ဥက္ကဌ၊ မွန်ပြည်နယ်ဝန်ကြီးချုပ် ဦးအောင်ကြည်သိန်း၊အရှေ့တောင်တိုင်စစ်ဌာနချုပ် ဒုတိယတိုင်းမှူး ဗိုလ်မှူးကြီးဗညားဝင်း၊ ပြည်နယ် ပြည်သူ့စစ်မှုထမ်းဆင့်ခေါ်ရေးအဖွဲ့ ဒုတိယ ဥက္ကဌ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးကျော်စွာမြင့်၊အတွင်းရေးမှူး၊ ပြည်နယ်အုပ်ရေးမှူး ဦးတိုးဝင်း၊ ပြည်နယ်ပြည်သူ့စစ်မှုထမ်းဆင့်ခေါ်ရေးအဖွဲ့ဝင်များ၊ ဌာနဆိုင်ရာတာဝန်ရှိသူများ၊ အမှတ်(၉)စစ်အခြေခံလေ့ကျင့်ရေးတပ်မှ အရာရှိအရာခံများ၊ ပြည်သူ့စစ်မှုထမ်းသင်တန်းသားများ တက်ရောက်သည်။ရှေးဦးစွာ အမှတ်(၉)စစ်အခြေခံလေ့ကျင့်ရေးတပ်မှ တပ်မှူး ဗိုလ်မှူးကြီး အောင်အောင်ဟိန်းမှ ပြည်သူ့စစ်မှုထမ်းသင်တန်းအမှတ်စဉ်(၁၀) သင်တန်းဆင်းတပ်ခွဲအားစစ်ဆေးပြီးသင်တန်းတွင် ထူးချွန်ဆုရရှိသူများအားဆုတံဆိပ်များချီးမြှင့်ကာ သင်တန်းဆင်းမိန့်ခွန်းပြောကြားသည်။
ဆက်လက်ပြီး ပြည်သူ့စစ်မှုထမ်းသင်တန်းအမှတ်စဉ်(၁၀) သင်တန်းဆင်းသင်တန်းသားများကတန်းစိတ်ပုံစံ စစ်ကြောင်းပုံစံဖြင့် အမှတ်(၉)စစ်အခြေခံလေ့ကျင့်ရေးတပ် တပ်မှူး ဗိုလ်မှူးကြီး အောင်အောင်ဟိန်းအားချီတက်အလေးပြုကာကွင်းအတွင်းမှပြန်လည်ထွက်ခွာကြသည်။ ဆက်လက်ပြီး ပြည်နယ်ဝန်ကြီးချုပ်နှင့်အဖွဲ့သည် သင်တန်းဆင်း သင်တန်းသားများကို ရင်းရင်းနှီးနှီးလိုက်လံ နှုတ်ဆက်အားပေး ခဲ့ကြောင်းသိရသည်။
