မော်လမြိုင် မေ ၂၆
မွန်ပြည်နယ်၊ မော်လမြိုင်မြို့နယ်၌ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ ပန်းခင်းစီမံချက်အဆင့် (၃)ဖြင့် နိုင်ငံသားစိစစ်ရေးကတ်ပြားပြုလုပ်ပေးခြင်းနှင့်e-ID စနစ်ဖြင့် Biographic/ Biometric ကွင်းဆင်း ကောက်ယူခြင်းကို ယနေ့ မွန်းလွဲပိုင်းက အမှတ်(၈)အခြေခံပညာအထက်တန်းကျောင်း ယင်းမာခန်းမ၌ ကွင်းဆင်းဆောင်ရွက်ခဲ့ကြောင်း သိရသည်။
ထိုသို့ ကွင်းဆင်းဆောင်ပေးနေမှုကို မွန်ပြည်နယ်ဝန်ကြီးချုပ် ဦးအောင်ကြည်သိန်းနှင့် ပြည်နယ်အစိုးရအဖွဲ့ဝင် ဝန်ကြီးများ၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်နယ်ဦးစီးမှူးနှင့် တာဝန်ရှိသူများက လာရောက်ကြည့်ရှုခဲ့ပြီး ပန်းခင်းစီမံချက်အဆင့်(၃)ဖြင့် ဒေသခံပြည်သူများအတွက် ဆောင်ရွက်ပြီးစီးသည့် နိုင်ငံသားစိစစ်ရေး ကတ်ပြား(၁၀၁)ကတ်အား ပြည်နယ်ဝန်ကြီးချုပ်နှင့် ပြည်နယ်ဝန်ကြီးတို့က ဒေသခံပြည်သူများထံသို့ အသီးသီးပေးအပ်ခဲ့ကြပြီး ဒေသခံပြည်သူများနှင့် ရင်းရင်းနှီးနှီးတွေ့ဆုံစကား ပြောကြားခဲ့သည်။
အဆို ပန်းခင်းစီမံချက် အဆင့် (၃)ဖြင့် နိုင်ငံသားစိစစ်ရေး ကတ်ပြားပြုလုပ်ပေးခြင်းနှင့်e-ID စနစ်ဖြင့် Biographic/ Biometric ကွင်းဆင်း ကောက်ယူခြင်းများ ဆောင်ရွက်ရာတွင် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ မော်လမြိုင်မြို့နယ်ရှိ နိုင်ငံသားစိစစ်ရေးကတ် (၁၃၀၄) ဦး၊ Biographic/ Biometric Data(UlD) ကောက်ယူသူ(၂၂၀)ဦးတို့ကို ပြုလုပ်ဆောင်ရွက်ပေးခဲ့ကြောင်း သိရှိရသည်။
