ကရင်ပြည်နယ်အတွင်းမှ နယ်မြေအခြေအနေ အကြောင်းအမျိုးမျိုးအရ မွန်ပြည်နယ်အတွင်းသို့ ရောက်ရှိလာကြသော ယာရီနေရပ်စွန့်ခွာသူများအား မွန်ပြည်နယ်အစိုးရအဖွဲ့မှ ထောက်ပံ့ပေးအပ်ပွဲ အခမ်းအနားကို ဖေဖော်ဝါရီလ ၂ ရက်နေ့၊ မွန်းလွဲပိုင်းက မော်လမြိုင်မြို့၊ မြေနီကုန်းရပ်ကွက်၊ ဗုဒ္ဓဃောသ ဘုန်းကြီးကျောင်း၊ ဓမ္မာရုံ၌ ကျင်းပပြုလုပ်ရာ မွန်ပြည်နယ် ဝန်ကြီးချုပ် ဦးအောင်ကြည်သိန်း၊ ပြည်နယ်ဝန်ကြီးများ၊ ဌာနဆိုင်ရာ တာဝန်ရှိသူများ တက်ရောက်သည်။
ဦးစွာ ပြည်နယ်ဝန်ကြီးချုပ်က ဗုဒ္ဓဃောသဘုန်းကြီးကျောင်း ဆရာတော်ကို ဖူးမြော်ကြည်ညို၍ လှူဖွယ်ဝတ္ထုပစ္စည်းများ ဆက်ကပ်လှူဒါန်းခဲ့သည်။
ထို့နောက် ပြည်နယ်ဝန်ကြီးချုပ်က အားပေးအမှာစကားပြောကြားရာတွင် မွန်ပြည်နယ်သို့ နယ်မြေအခြေအနေ ရောက်ရှိလာကြသော ယာရီနေရပ်စွန့်ခွာသူများအတွက် များစွာစိတ်မကောင်းဖြစ်မိပါကြောင်း၊ လိုအပ်သည်များကို ကူညီဖြည်းဆည်း ဆောင်ရွက်ပေးနိုင်ရန် ယခုကဲ့သို့ လာရောက် ထောက်ပံ့ပေးရခြင်း ဖြစ်ကြောင်း၊ နေထိုင် စားသောက်မှုများ အဆင်ပြေချောမွေ့စေရေးအပြင် ကျန်းမာရေး စောင့်ရှောက်မှုများ ကိုပါ ဆောင်ရွက်ပေးထားကြောင်းနှင့် လိုအပ်သည်များကိုလည်း ဖြည့်ဆည်းဆောင်ရွက်ပေးသွားမည် ဖြစ်ကြောင်းဖြင့် ပြောကြားခဲ့သည်။
ဆက်လက်ပြီး ပြည်နယ်ဝန်ကြီးချုပ်နှင့် ဝန်ကြီးများမှ မွန်ပြည်နယ်အတွင်းသို့ ရောက်ရှိလာကြသော ယာရီနေရပ်စွန့်ခွာသူ (၂၈၈) ဦးအတွက် ထောက်ပံ့ငွေများ၊ ဆန်၊ ကြက်ဥနှင့် စားနပ်ရိက္ခာများ၊ ကျန်းမာရေးသုံးပစ္စည်းများ ထောက်ပံ့ပေးအပ်ခဲ့ကြသည်။
အဲဒီနောက် တိမ်းရှောင်ပြည်သူများကိုယ်စား ပြည်သူတစ်ဦးမှ ကျေးဇူးတင်စကား ပြန်လည်ပြောကြားခဲ့ပြီး ပြည်နယ်ဝန်ကြီးချုပ်က မွန်ပြည်အတွင်းသို့ လာရောက်တည်းခိုနေထိုင်လျက်ရှိသည့် ယာရီနေရပ်စွန့်ခွာသူများကို ရင်းရင်းနှီးနှီးတွေ့ဆုံ အားပေးခဲ့သည်။
