(၇၈)နှစ်မြောက် တပ်မတော်နေ့ကို ကြိုဆိုဂုဏ်ပြုသောအားဖြင့် ချောင်းဆုံ မြို့နယ်၊ ကဒါကျေးရွာ၊ ဦးစိန်ရေထိန်းတံခါးဖွင့်ပွဲအခမ်းအနားကို မတ်လ ၂၄ ရက်နေ့ နံနက်ပိုင်းက ကဒါကျေးရွာအနီးရှိ ဦးစိန်ရေထိန်းတံခါး၌ ကျင်းပပြုလုပ်ရာ မွန်ပြည်နယ် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးကျော်စွာမြင့်၊ ပြည်နယ်အစိုးရအဖွဲ့ဝင် ဝန်ကြီးများ၊ ဌာနဆိုင်ရာ တာဝန်ရှိသူများ၊ ဒေသခံပြည်သူများ တက်ရောက်သည်။
အခမ်းအနားတွင် မွန်ပြည်နယ် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးကျော်စွာမြင့်က မွန်ပြည်နယ်အတွင်း မိုးစပါးကို ရာနှုန်းပြည့် ကျော်လွန်စိုက်ပျိုးပြီးဖြစ်၍ နွေစပါးအပါအဝင် နေကြာနှင့် အခြားဆီထွက်သီးနှံများ ပိုမိုတိုးချဲ့စိုက်ပျိုးနိုင်ရေး အလေးထားဆောင်ရွက်လျက်ရှိပြီး လယ်ယာ မြေများသည် နှစ်စဉ် ရေကြီးပြီး ရေငန်နှင့် နုန်းဝင်ရောက်မှု မရှိရေး၊ လယ်ယာမြေများ၏ အသီးအနှံထွက်နှုန်းကို လျော့ကျမှု မရှိစေရေးအတွက် ပြည်နယ် အနေဖြင့်ယခုလို ရေထိန်းတံခါး တည်ဆောက် ဆောင်ရွက်ပေးရခြင်း ဖြစ်ပါကြောင်း၊ နွေရာသီ ရေငန်ဝင်ရောက်မှုနှင့် နုန်းပို့ချမှုများကို ကာကွယ်နိုင်ရုံမက မိုးနှောင်းပိုင်း တွင် ရေချိုသိုလှောင်ပြီး ဆန်စပါးအပါအဝင် ဆီထွက်သီးနှံ နေကြာ စိုက်ခင်းများပါ ပိုမိုစိုက်ပျိုးလာနိုင်၍ ဒေသနေလယ်သမားများအတွက် လူမှုစီးပွားဘဝများ တိုးတက်မြင့်တက်လာမည် ဖြစ်ကြောင်း၊ ရေထိန်းတံခါးကြီး ရေရှည်တည်တံ့ခိုင်ခံ့စေရန်အတွက် ဒေသနေ ပြည်သူများမှလည်း ဝိုင်းဝန်းကူညီထိန်းသိမ်းပေးကြရန်ဖြင့် အမှာစကားပြောကြားခဲ့သည်။
ဆက်လက်ပြီး ပြည်နယ် လုံခြုံရေးနှင့် နယ်စပ်ရေးရာဝန်ကြီး၊ ပြည်နယ်ဝန်ကြီးများက ကဒါကျေးရွာ၊ ဦးစိန်ရေထိန်းတံခါးအား ဖဲကြိုးဖြတ်ဖွင့်လှစ်ပေးခဲ့ကာ ရေထိန်းတံခါး လှည့်လည်ကြည့်ရှုခဲ့ကြသည်။
အဆိုပါ ဦးစိန်ရေထိန်းတံခါးသည် ရေထိန်းတံခါးပေါက် (၅)ပေါက်ပါရှိ၍ Slide Gate (၅)ချပ်ပါ အုတ်၊ သံကူကွန်ကရစ်ရေထိန်းတံခါး အမျိုးအစားဖြစ်ကာ ရေခေါ်မြောင်းမကြီးအလျား (၄၀၀၀)ပေနှင့် ရေထုတ်မြောင်းမကြီးအလျား(၅၁)ပေရှိကြောင်း၊ ဒေသတွင်းရှိ အကျိုးပြုနိုင်မှု မိုးစပါးလယ်မြေ (၇၀၀) ဧကအတွက် ပင်လယ်ရေငန်ဝင်ရောက်မှုများ၊ ရေကြီးနစ်မြုပ်မှုများ လျော့နည်းသက်သာစေမည်ဖြစ်သည့်အပြင် ရေချိုသိုလှောင်ထိန်းသိမ်းနိုင်မည် ဖြစ်ကြောင်း သိရရှိသည်။
မွန်ပြည်နယ်အတွင်း တိုင်းရင်းသား လူငယ်များအတွက် အိမ်တွင်းမှု သက်မွေးပညာရပ်များကို လေ့ကျင့်သင်ကြားပေးပြီး အလုပ်အကိုင်အခွင့်အလမ်း ရရှိရန်နှင့် အသက်မွေးဝမ်းကျောင်း ကိုယ်ပိုင်စီးပွားရေးလုပ်ငန်းများ ဖန်တီးနိုင်ရန် ရည်ရွယ်၍ နယ်စပ်ရေးရာဝန်ကြီးဌာန၊ ပညာရေးနှင့်လေ့ကျင့်ရေးဦးစီးဌာန မုဒုံမြို့၊အမျိုးသမီးအိမ်တွင်းမှုသက်မွေးလုပ်ငန်းပညာသင်တန်းကျောင်း အဆင့်မြင့်အိမ်တွင်းမှု စက်ချုပ်သင်တန်းအမှတ်စဉ် (၅) နှင့် မွန်ရိုးရာလက်ရက်ကန်းသင်တန်း အမှတ်စဉ် (၂၁) သင်တန်းဆင်းပွဲ အခမ်းအနားကို ယနေ့ နံနက်ပိုင်းက မုဒုံမြို့နယ်၊ ကွမ်တာကျေးရွာ၊ အမျိုးသမီးအိမ်တွင်းမှု သက်မွေးပညာ သင်တန်းကျောင်း၌ ကျင်းပရာ ပြည်နယ် လုံခြုံရေးနှင့် နယ်စပ်ရေးရာဝန်ကြီးက မွန်ပြည်နယ်အနေဖြင့် ဒေသနေပြည်သူအားလုံး၏ လူမှုစီးပွား ဘဝများ ဖွံ့ဖြိုးတိုးတက်လာစေရေး ဦးတည်ကြိုးပမ်း ဆောင်ရွက်လျက်ရှိရာ ကဏ္ဍစုံ၊ ဘက်ပေါင်းစုံ ဖွံ့ဖြိုးတိုးတက်စေရေးတို့အတွက်လည်း အထူးအလေးထား ဆောင်ရွက်ပေးလျက်ရှိကြောင်း၊ ပြည်နယ်အတွင်း သထုံမြို့နယ်၊ မုဒုံမြို့နယ်နှင့် ရေးမြို့နယ်တို့တွင် လူငယ်သင်တန်းကျောင်းများ၊ အမျိုးသမီးအိမ်တွင်းမှု သက်မွေးပညာသင်တန်းကျောင်းများကို ဖွင့်လှစ်ပြီး တိုင်းရင်းသူများအတွက် စက်ချုပ်နဲ့ အိမ်တွင်းမှုဘာသာရပ်များ အပြင် အခြားအသက်မွေးကျောင်း ပညာရပ်များကိုလည်း သင်ကြားပို့ချပေးလျက်ရှိကြောင်း၊ သင်တန်းကို တက်ရောက်အောင်မြင်ခဲ့ကြတဲ့ သင်တန်းသူများအနေဖြင့် မိမိတို့ကိုယ်တိုင်က အသိပညာ၊ အတတ်ပညာများ ပြည့်ဝသူများ ဖြစ်အောင် အစဉ်ကြိုးစားကာစူးစမ်းလေ့လာမှု၊ တီထွင်ဖန်တီးမှု၊ လုံ့လ ဝီရိယပြုမှုတို့ဖြင့် မိမိတို့ဘဝတိုးတက်သည်ထက်တိုးတက်အောင်ကြိုးစားသွားကြရန်နှင့် အိမ်တွင်းမှု ပညာရပ်များကို အသုံးချပြီး တစ်ပိုင်တစ်နိုင် အသက်မွေး ဝမ်းကျောင်းပြုကြပြီး ဒေသ တိုးတက်ရေး လုပ်ငန်းများကိုလည်း ပူးပေါင်းပါဝင်ဆောင်ရွက် သွားကြရန် တိုက်တွန်းလိုကြောင်းဖြင့် အမှာစကား ပြောကြားခဲ့သည်။
ထို့နောက် ပြည်နယ်ဝန်ကြီးများမှ သင်တန်းတွင် ထူးချွန်ဆုရရှိကြသူများကို ဆုများ၊ သင်တန်းဆင်း အောင်လက်မှတ်များအသီးသီးချီးမြှင့်ခဲ့ကြပြီး သင်တန်းသူတစ်ဦးမှ ကျေးဇူးတင်စကားပြန်လည်ပြောကြားခဲ့ကာ သင်တန်းကျောင်း တာဝန်ရှိသူမှ သင်တန်းဆိုင်ရာအချက်အလက်များကို ရှင်းလင်းတင်ပြခဲ့သည်။
အဲဒီနောက် ပြည်နယ် လုံခြုံရေးနှင့် နယ်စပ်ရေးရာဝန်ကြီး၊ ပြည်နယ်ဝန်ကြီးများက သင်တန်းသူများအား ရင်းရင်းနှီး လို