မွန်ပြည်နယ်အတွင်း သဘာဝဘေးနှင့် ပတ်သက်၍ ထိရောက်ကျယ်ပြန့်စွာ အသိပညာပေးနိုင်စေရန်၊ သဘာဝဘေး ရင်ဆိုင်တုံ့ပြန်ရေးလုပ်ငန်းများမှာပြည်သူများ ပူးပေါင်းပါဝင်လာစေရန်ရည်ရွယ်၍ မီးငြှိမ်းသတ် ရေး ဇာတ်တိုက်လေ့ကျင့်ခြင်း အခမ်းအနားကို ၂၀၂၃ ခုနှစ်၊ မတ်လ ၂၆ ရက်နေ့၌ မော်လမြုင်မြို့၊ အောက်လမ်းမ ကြီး အမှတ်(၁)စျေးကြီးတွင် ကျင်းပပြုလုပ်ရာ မွန်ပြည်နယ်ဝန်ကြီးချုပ် ဦးအောင်ကြည်သိန်း၊ ပြည်နယ်ဝန်ကြီးများ၊ တာဝန်ရှိသူများ၊ အများပြည်သူများ တက်ရောက်သည်။
ဦးစွာ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများက သရုပ်ပြအဖွဲ့မှ ဈေးမီးငြှိမ်းသတ်ရေးဇာတ်တိုက်လေ့ကျင့်သရုပ်ပြနေမှု အခြေအနေတို့အား ကြည့်ရှုအားပေးခဲ့ကြသည်။
ဆက်လက်ပြီး ပြည်နယ်ဝန်ကြီးချုပ်က မွန်ပြည်နယ်အတွင်း ပြည်နယ်တွင်လည်း ဖြစ်ပွားခဲ့သည့် သဘာဝဘေးဖြစ်စဉ်များ ဖြစ်ပေါ်သည်နှင့်တပြိုင်နက် ဘေးအန္တရာယ်ဆိုင်ရာ စီမံခန့်ခွဲမှု နည်းလမ်းကောင်းများဖြင့် အောင်မြင်စွာဆောင်ရွက်နိုင်ခဲ့ပါကြောင်း၊ ယခုကာလသည် ပူပြင်းခြောက်သွေ့သောကာလဖြစ်သဖြင့် ဈေးကင်းနှင့် မီးငြှိမ်းသတ်ရေးဖွဲ့စည်းထားရန်လိုကြောင်း၊ ဈေးများသည် ပြည်သူများ၏ အရင်းအနှီးများစုဝေးရာနေရာဖြစ်ကြောင်း၊ ဈေးများမီးဘေးအန္တရာယ်ကျရောက်မှုသည် ဆုံးရှုံးမှုတန်ဖိုးများပြားကြောင်း၊ ယခုကဲ့သို့ မီးငြှမ်းသတ်ရေးဇာတ်တိုက်လေ့ကျင့်မှုများ ဆောင်ရွက်ခြင်းဖြင့် ပြည်သူများ၏ အသက်အိုးအိမ်စည်းစိမ်များကို ကာကွယ်စောင့်ရှောက်ခြင်း ဖြစ်သလို ဘေးအန္တရာယ်များမှ ထိခိုက်ပျက်စီးမှု အနည်းဆုံး ဖြစ်အောင် ကူညီဆောင်ရွက်ပေးကြရန် မှာကြားလိုကြောင်းဖြင့် အမှာစကားပြောကြားခဲ့သည်။
အဲဒီနောက် ပြည်နယ်ဝန်ကြီးချုပ်မှ မီးငြှိမ်းသတ် ရေး ဇာတ်တိုက်လေ့ကျင့်ခြင်းသရုပ်ပြအဖွဲ့အား ဂုဏ်ပြုဆုငွေများအား ပေးအပ်ချီးမြှင့်ခဲ့သည်။
(၇၈)နှစ်မြောက် တပ်မတော်နေ့ကို ကြိုဆိုဂုဏ်ပြုသောအားဖြင့် သထုံခရိုင် ခရိုင်ပြည်သူ့ဆေးရုံ၏ နှစ်ထပ် အထူးကြပ်မတ်ကုသဆောင်သစ် ဖွင့်ပွဲအခမ်းအနားကို ယနေ့နံနက်ပိုင်းက သထုံမြို့၊ ခရိုင်ပြည်သူ့ဆေးရုံ၌ ကျင်းပပြုလုပ်ရာ ဦးစွာ ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် တာဝန်ရှိသူများက သထုံခရိုင်ပြည်သူ့ဆေးရုံဝန်းအတွင်းရှိ နှစ်ထပ်အထူးကြပ်မတ် ကုသဆောင်သစ်အား ဖဲကြိုးဖြတ် ဖွင့်လှစ်ခဲ့ကြကာ အထူးကြပ်မတ်ကုသဆောင်သစ်အား လှည့်လည်ကြည့်ရှုခဲ့ကြသည်။
ဆက်လက်ပြီး ပြည်နယ်ဝန်ကြီးချုပ်က မွန်ပြည်နယ်အတွင်း အဆင့်အတန်းမီ၍ လုံခြုံစိတ်ချရသော ကျန်းမာရေးစောင့်ရှောက်မှုစနစ်ကို အများပြည်သူများရရှိစေရန် အထူးအလေးပေး ဆောင်ရွက်ပေးလျက်ရှိပါကြောင်း၊ “လူတိုင်းသက်တမ်းစေ့အသက်ရှည်စွာနေနိုင်ရေး” နှင့် “လူတိုင်း ရောဂါဘယကင်းဝေးရေး”ဟူ၍ ကျန်းမာရေးဝန်ကြီးဌာန၏ ရည်မှန်းချက်များ ပြည့်မီအောင် ဆောင်ရွက်ရာတွင် ပြည်သူလူထု လက်လှမ်းမီသော ကျန်းမာရေးစောင့်ရှောက်မှုခံယူနိုင်ရေးအတွက် ကျေးလက်အောက်ခြေအထိ ဝန်ထမ်းအင်အားများ တိုးချဲ့ခန့်ထားပေးခြင်း၊ ဆေးဝါးပစ္စည်းများ ပြည်မှာလုံလောက်စွာ ရန်စေရေးအတွေက် ဆယ်ယူဖြည့်တင်းပေးခြင်း ကျွမ်းကျင်ဝန်းထမ်းများ မွေးထုတ်နိုင်ရေးအတွက် မွမ်းမံသင်တန်းများ လေ့ကျင့်သင်ကြားပို့ချပေးလျက်ရှိကြောင်း၊ ဝေးလံခက်ခဲ ဒေသများတွင်လည်း ကျန်းမာရေး ဝန်ထမ်းများခန့်ထားကာ ကျေးလက်ကျန်းမာရေးဌာနများတိုးချဲ့ဖွင့်လှစ်ပြီး ဆောင်ရွက်လျှက်ရှိရာ ပြည်သူများအနေဖြင့်လည်း ပူးပေါင်းပါဝင်ဆောင်ရွက်စေလိုပါကြောင်း အမှာစကားပြောကြားသည်။
ယင်းနောက် အထူးကြပ်မတ်ကုသဆောင် ဆောက်လုပ်ခြင်းနှင့်ပတ်သက်၍ တည်ဆောက်ရေးလုပ်ငန်း တာဝန်ရှိသူက သထုံခရိုင်ပြည်သူ့ဆေးရုံ အထူးကြပ်မတ်ကုသဆောင်သစ် နှင့် ပတ်သက်၍ ရှင်းလင်း တင်ပြခဲ့ပြီး အထူးကြပ်မတ်ကုသဆောင်အား လွှဲပြောင်းပေးအပ်ရာ သထုံခရိုင်ဆေးရုံတာဝန်ရှိသူမှ လက်ခံရယူခဲ့သည်။
အဲဒီနောက် ပြည်နယ်ဝန်ကြီးချုပ်နှင့်အဖွဲ့သည် (၇၈)နှစ်မြောက်တပ်မတော်နေ့ကို ကြိုဆိုဂုဏ်ပြုသောအားဖြင့် သထုံမြို့နယ်၊ အမှတ် (၁) အခြေခံပညာ အထက်တန်းကျောင်းရှိ စက်မှု၊ စိုက်ပျိုးနှင့်မွေးမြူရေး တွဲဖက်အထက်တန်းကျောင်းဆောင်သစ်ဖွင့်ပွဲ အခမ်းအနားသို့ တက်ရောက်၍ ဦးစွာ ကျောင်းဆောင်သစ်အား ဖဲကြိုးဖြတ်ဖွင့်လှစ်ပေးခဲ့ကြပြီး ပြည်နယ်ဝန်ကြီးချုပ်က မွန်ပြည်နယ်တွင် အခြေခံပညာရေးကဏ္ဍ၌ စက်မှု၊ စိုက်ပျိုးရေး၊ မွေးမြူရေးဆိုင်ရာပညာရပ်များ သင်ယူမှုအခွင့်အလမ်းများတိုးမြှင့် ရရှိစေရေး ဦးစားပေး ကဏ္ဍအနေဖြင့် ဆောင်ရွက်လျက်ရှိပါကြောင်း၊ ယခုဖွင့်လှစ်သည့်ကျောင်းသည် အခြေခံပညာရေးကဏ္ဍ၌ စက်မှု၊ စိုက်ပျိုးရေး၊ မွေးမြူရေးဆိုင်ရာပညာရပ်များ သင်ယူမှုအခွင့်အလမ်းများတိုးမြှင့် ရရှိမည်ဖြစ်ကြောင်း၊ ပညာရေးကဏ္ဍ အရှိန်အဟုန်ဖြင့်တိုးတက်အောင် ကြိုးပမ်းအားထုတ်နေပါကြောင်း၊ ပညာရေးနှင့်ပတ်သတ်၍ KG+9 အောင်မြင်အောင် ဆောင်ရွက်ပေးရန်နှင့် အောင်မြင်ပြီးပါက သက်မွေးပညာရပ်များ ဆက်လက်သင်ကြားနိုင်ရေးဆောင်ရွက်ပေးရန်၊ အခြေခံပညာကျောင်းများနှင့်တွဲဖက်ပြီး စက်မှုနည်းပညာ၊ စိုက်ပျိုးရေး၊ မွေးမြူရေးအထက်တန်းကျောင်းများဖွင့်လှစ်နိုင်ရေး ဝိုင်းဝန်းဆောင်ရွက်ပေးကြရန် လိုကြောင်း၊ စဉ်ဆက်မပြတ်ဖွံ့ဖြိုးတိုးတက်ရေးကို ဖော်ဆောင်နိုင်မည့် အနာဂတ်မျိုးဆက်သစ် လူငယ်၊ မောင်မယ်လေးများကို မွေးထုတ်ပေးနိုင်ရေး တက်ညီလက်ညီ ကြိုးပမ်းဆောင်ရွက်ပေးကြရန် တိုက်တွန်းလိုကြောင်းဖြင့် အမှာစကားပြောကြားခဲ့သည်။
ထို့နောက် စက်မှု၊ စိုက်ပျိုးနှင့်မွေးမြူရေး တွဲဖက်အထက်တန်း ကျောင်းဆောင်သစ် ဆောက်လုပ်ခြင်း နှင့် ပတ်သက်၍ တာဝန်ရှိသူတစ်ဦးမှ ရှင်းလင်း တင်ပြခဲ့ပြီး ကျောင်းဆောင်သစ် ဆိုင်ရာ အချက်အလက်များအား ပြည်နယ်ပညာရေးမှူး မှ လွှဲပြောင်းပေးအပ်ခြင်းအပေါ် လက်ခံရယူခဲ့ကာ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများက အဆိုပါ ကျောင်းဆောင်သစ်အား လှည့်လည်ကြည့်ရှုခဲ့ကြသည်။