မော်လမြိုင်၊ ဧပြီ ၆
၂၀၂၃ ခုနှစ်၊ ဇွန်လ ၂၆ ရက်နေ့တွင်ကျရောက်မည့် အပြည်ပြည် ဆိုင်ရာမူးယစ်ဆေးဝါးအလွဲသုံးမှု နှင့် တရားမဝင်ရောင်းဝယ်မှုတိုက်ဖျက်ရေးနေ့အထိမ်းအမှတ် (၂၆ ) ကြိမ်မြောက် ပန်းချီ၊ကာတွန်း၊ပိုစတာပြိုင်ပွဲကို ဧပြီလ ၆ ရက်နေ့ နံနက်ပိုင်းက မော်လမြိုင်မြို့၊ အမှတ်(၉) အခြေခံပညာအထက်တန်းကျောင်း၌ ကျင်းပပြုလုပ်ရာ ပြည်နယ်၀န်ကြီးချုပ် ဦးအောင်ကြည်သိန်း၊ ပြည်နယ်ဝန်ကြီးများ၊ တာဝန်ရှိသူများ၊ တက်ရောက်၍ အခြေခံ ပညာကျောင်းပေါင်းစုံမှ ၀င်ရောက် ယှဉ်ပြိုင်နေကြသည့် ကျောင်းသား ကျောင်းသူများ၏ ပန်းချီနှ ကာတွန်းပိုစတာများ ရေးဆွဲနေမှုအား လှည့်လည်ကြည့်ရူ့ အားပေးခဲ့ကြသည်။
အဆိုပါ အပြည်ပြည် ဆိုင်ရာ မူးယစ် ဆေးဝါး အလွဲသုံးမှု နှင့် တရား မဝင် ရောင်းဝယ် မှုတိုက်ဖျက်ရေးနေ့ အထိမ်း အမှတ်အဖြစ် (၂၆ ) ကြိမ်မြောက် မူလတန်း၊အလယ်တန်းနှင့်အထက်တန်းအဆင့်ပန်းချီပြိုင်ပွဲတွင် ပြိုင်ပွဲဝင် ကျောင်းသား၊ ကျောင်းသူ (၆၆ )ဦး၊ ပိုစတာ ပြိုင်ပွဲတွင် (၇၁) ဦး နှင့် ကာတွန်းပြိုင်ပွဲ တွင် (၃၈ )ဦး စုစုပေါင်း (၁၇၅) ဦး ၀င်ရောက်ယှဉ်ပြိုင်ခဲ့ကြပြီး ဧပြီလ ၇ ရက်နေ့တွင် ကွန်ပျူတာပန်းချီ ၊ ကာတွန်းပြိုင်ပွဲအား ဆက်လက်ကျင်းပ ပြုလုပ် သွားမည်ဖြစ်ကာ အပြည်ပြည် ဆိုင်ရာ မူးယစ် ဆေးဝါး အလွဲသုံးမှု နှင့် တရား မဝင် ရောင်းဝယ် မှုတိုက်ဖျက်ရေးနေ့ အထိမ်းအမှတ် အခမ်းအနားတွင် ဆုရရှိသူများအား ဆုများ အသီးသီးပေးအပ်ချီးမြှင့်သွားမည်ဖြစ်ကြောင်းသိရှိရသည
မွန်ပြည်နယ်တွင် မြန်မာ့ရိုးရာယဉ်ကျေးမှုမဟာသင်္ကြန်ပွဲတော်ကို ပျော်ရွင်စွာနှင့် စည်ကားသိုက်မြိုက်စွာ ကျင်းပနိုင်ရေးသက်ဆိုင်ရာ
ကဏ္ဍအလိုက် ကြိုတင် စီစဉ်ဆောင်ရွက်လျက်ရှိရာ ပြည်နယ်ဝန််ကြီးချုပ်နှင့် တာဝန်ရှိသူများသည် ယနေ့နံနက်ပိုင်းက မြန်မာတို့၏ရိုးရာ မြန်မာ့ယဉ်ကျေးမှု မဟာသင်္ကြန်ပွဲတော်ကြီး အေးချမ်းလုံခြုံစွာဖြင့် ပျော်ရွင်စွာနှင့် စည်ကားသိုက်မြိုက်စွာ ကျင်းပနိုင်ရေးဆောင်ရွက်ထားရှိမှု အခြေအနေများအား ကြည့်ရှုစစ်ဆေးခဲ့သည်။
အဲဒီနောက် ပြည်နယ်ဝန်ကြီးချုပ်က လိုအပ်သည်များကို စီစဉ်ဆောင်ဆောင်ရွက်ထားရှိကြန်ရန်၊ မြန်မာ့ယဉ်ကျေးမှု မဟာသင်္ကြန်ပွဲတော်ကြီးကို အနှစ်သာရရှိရှိဖြင့် စည်ကားသိုက်မြိုက်စွာ ဆင်ယင်ကျင်းပနိုင်ရေး ဆောင်ရွက်ပေးကြရန်ိ လမ်းလွှန်မှာကြားခဲ့သည်။