မွန်ပြည်နယ်ဝန်ကြီးချုပ် ဦးအောင်ကြည်သိန်း- ၂၀၂၃ ခုနှစ်၊ ချောင်းဆုံမြို့နယ်၊ မြန်မာ့ရိုးရာလှေလှော်ပြိုင်ပွဲ ဖွင့်ပွဲ အခမ်းအနား၊ ၂၀၂၃- ၂၀၂၄ ခုနှစ် မိုးစပါးစံကွက်ရိတ်သိမ်းခြင်း၊ ဒုတတိယသီးနှံ​မြေပြင်ခြင်းနှင့် ​နေကြာမျိုး​စေ့​ပေးအပ်ခြင်း အခမ်းအနား တက်​ရောက်

မော်လမြိုင်၊ ​အောက်တိုဘာ ၂၆
၂၀၂၃ ခုနှစ်၊ ချောင်းဆုံမြို့နယ်၊ မြန်မာ့ရိုးရာလှေလှော်ပြိုင်ပွဲ ဖွင့်ပွဲ အခမ်းအနားကို ​အောက်တိုဘာလ ၂၆ ရက်​နေ့၊ နံနက်ပိုင်းက ​ချောင်းဆုံမြို့၊ မဟာကန်​တော်ကြီး၌ ကျင်းပပြုလုပ်ရာ မွန်ပြည်နယ်ဝန်ကြီးချုပ် ဦး​အောင်ကြည်သိန်း၊ အ​ရှေ့​တောင်တိုင်းစစ်ဌာနချုပ်တိုင်းမှူး ဗိုလ်မှူးချုပ်စိုးမင်း၊ ပြည်နယ်ဝန်ကြီးများ၊ တာဝန်ရှိသူများ၊ ပြိုင်ပွဲဝင်​လှေ​လှော်အသင်းများ၊ အားကစားဝါသနာရှင်များ တက်​ရောက်သည်။
ဖွင်ပွဲအခမ်းအနားတွင် ပြည်နယ်ဝန်ကြီးချုပ်က မွန်ပြည်နယ်တွင် အားကစားအဆင့်အတန်း တိုးတက်မြင့်မားလာရေးဦးတည်၍ အသွင်သဏ္ဍာန် အမျိုးမျိုး​ဖြင့် ကဏ္ဍပေါင်းစုံ ပံ့ပိုးဆောင်ရွက်လျက်ရှိရာ လှေလှော်အားကစားနည်းကို အများပြည်သူများ ပိုမိုစိတ်ဝင်စားလာစေပြီး ရိုးရာအားကစားနည်းကို တန်ဖိုးထား မြတ်နိုးတတ်​စေရန် ရည်ရွယ်၍ ကျင်းပပြုလုပ်ရခြင်းဖြစ်​​ကြောင်း၊ ရိုးရာအမွေအနှစ်တွေကို နိုင်ငံတိုင်းက မြတ်မြတ်နိုးနိုး ထိန်းသိမ်းကြ သလို မြန်မာနိုင်ငံမှာလည်း ရိုးရာအားကစားနည်းတွေဖြစ်တဲ့ ရိုးရာလက်ဝှေ့၊ ရိုးရာခြင်းလုံးနှင့် ရိုးရာလှေလှော်ပြိုင်ပွဲတွေကို တိမ်ကောပပျောက် မသွားအောင် ထိန်းသိမ်းစောင့်ရှောက်သည့်အနေဖြင့် ရိုးရာအားကစား ပြိုင်ပွဲများကို အထူးအ​လေး​ပေးကျင်းပ ပြုလုပ်ပေးနေခြင်းလည်း ဖြစ်​ကြောင်း၊ လှေလှော်အားကစားနည်းဟာ ခွန်အားကို အသုံးပြုပြီး ယှဉ်ပြိုင်ကစားရတဲ့ အားကစားနည်းဖြစ်တဲ့အတွက် ကိုယ်ခန္ဓာ သန်မာထွားကျိုင်းပြီး ကျန်းမာကြံ့ခိုင်၍ သက်လုံကောင်းမှသာ ထူးချွန်တဲ့ အားကစားသမားကောင်းတွေ ဖြစ်လာမှာ ဖြစ်သည့်အတွက် ပြိုင်ပွဲဝင် အားကစားသမားများအ​နေဖြင့် ​လှေ​လှော်အားကစားနည်း၏ အနှစ်သာရကို ​ပေါ်လွင်ထင်ဟပ်​စေရန်အတွက် မိမိတို့၏ စု​ပေါင်းစွမ်းအားတို့ဖြင့် တက်ညီလက်ညီ အစွမ်းကုန်ကြိုးစားယှဥ်ပြိုင်သွားကြ​စေလို​ကြောင်းဖြင့် အမှာစကားပြောကြားသည်။