မော်လမြိုင်၊ မတ် ၁၁
မွန်ပြည်နယ်တွင် အများပြည်သူများ အသက်အရွယ်မရွေး ကိုယ်လက်လှုပ်ရှား အားကစား ဆောင်ရွက်နိုင်ရန် အားကစားနည်းအလိုက်ပြိုင်ပွဲများ ကျင်းပပြုခြင်းများ ဆောင်ရွက်လျက်ရှိရာ ထူးချွန်သောဂေါက်သီးရိုက်
အားကစားသမားများ ပေါ်ထွက်လာစေရေးရည်ရွယ်၍ ၂၀၂၃ ခုနှစ်၊ (၄၉)နှစ်မြောက် မွန်ပြည်နယ်နေ့ အထိမ်းအမှတ်အကြို ဂေါက်သီးရိုက်ပြိုင်ပွဲ ဖွင့်ပွဲအခမ်းအနားကို မတ်လ ၁၁ ရက်နေ့၊ နံနက်ပိုင်းက မော်လမြိုင်မြို့၊ ငန်းတေးဂေါက်ကွင်း၌ ကျင်းပပြုလုပ်ရာ မွန်ပြည်နယ် ဝန်ကြီးချုပ် ဦးအောင်ကြည်သိန်း၊ အရှေ့တောင်တိုင်း စစ်ဌာနချုပ်တိုင်းမှူး ဗိုလ်ချုပ်မြတ်သက်ဦး၊ ပြည်နယ်ဝန်ကြီးများ၊ တာဝန်ရှိသူများ၊ ပြိုင်ပွဲဝင် ဂေါက်သီးရိုက် အားကစားသမားများ၊ ဖိတ်ကြားထားသည့် ဂေါက်သီးရိုက် အားကစားဝါသနာရှင်များ တက်ရောက်သည်။
ဦးစွာ ပြည်ည်နယ် ဝန်ကြီးချုပ်၊ တိုင်းမှူးနှင့် ပြည်နယ်ဝန်ကြီးတို့မှ ၂၀၂၃ ခုနှစ်၊ (၄၉)နှစ်မြောက် မွန်ပြည်နယ်နေ့ အထိမ်းအမှတ်အကြို ဂေါက်သီးရိုက်ပြိုင်ပွဲကို မီးခိုးဘော်လုံးရိုက်၍ စတင်ဖွင့်လှစ်ပေးခဲ့သည်။
အဲဒီနောက် ပြည်နယ်ဝန်ကြီးချုပ်က ပြိုင်ပွဲအတွက် အဖွင့်အမှာစကား ပြောကြားရာတွင် မွန်ပြည်နယ်အနေဖြင့် ပြည်နယ်ရဲ့ အားကစားအဆင့် အတန်းတိုးတက်မြင့်မားရေးအတွက် ကဏ္ဍပေါင်းစုံကနေ ပံ့ပိုးဆောင်ရွက်ပေးလျက်ရှိပါကြောင်း၊ ဂေါက်သီး ရိုက်အားကစားဟာ ကမ္ဘာပေါ်မှာထင်ရှားတဲ့ အားကစားနည်း တစ်ခုဖြစ်သလို ပျော်ရွှင်မှုများ ရရှိနိုင်စေခြင်း ၊ သက်တူရွယ်တူ အချင်းချင်း အားပေးဖော်များ ကောင်းမွန်စေခြင်း၊ အသင်းအဖွဲ့နှင့်နေတတ်ခြင်း၊ ကောင်းသောယှဉ်ပြိုင် လိုစိတ် အလေ့အထကို ရရှိစေခြင်းစသော အကျိုးကျေးဇူးများကို ရရှိစေမှာဖြစ်ကြောင်း၊ ထို့အပြင် ကျန်းမာကြံ့ခိုင်မှု၊ စည်းကမ်းရှိမှု၊ ကိုယ်ကျင့်သိက္ခာ ထိန်းသိမ်းမှု၊ နည်းစနစ် ကျွမ်းကျင်မှုကိုပါ လေ့ကျင့်ပျိုးထောင်ပေးတဲ့ အားကစားနည်းတစ်ခုဖြစ်သည်နှင့်အညီ ဂေါက်သီးရိုက်အားကစားကဏ္ဍ ဘက်စုံဖွံ့ဖြိုး တိုးတက်ရေးအတွက် ဆောင်ရွက်ပေးကြရန်လိုကြောင်း၊ ပြိုင်ပွဲ အောင်မြင်စွာကျင်းပ နိုင်ရေးအတွက် အဖက်ဖက်မှ လိုအပ်သည်များကို ဝိုင်းဝန်းကူညီဆောင်ရွက် ပေးခဲ့ကြတဲ့သူများကိုလည်း ကျေးဇူးတင်ရှိပါကြောင်းဖြင့် အမှာစကားပြောကြားခဲ့သည်။
ယင်းနောက် ပြည်နယ်ဝန်ကြီးချုပ်နှင့် ပြည်နယ်ဝန်ကြီးများက ပြိုင်ပွဲဝင် ဂေါက်သီးရိုက် အားကစားများ ဝင်ရောက် ယှဉ်ပြိုင်နေမှုအပေါ် ကြည့်ရှုအားပေးခဲ့သည်။
၂၀၂၃ ခုနှစ် (၄၉)နှစ်မြောက် မွန်ပြည်နယ်နေ့ အထိမ်းအမှတ် ဂေါက်သီးရိုက်ပြိုင်ပွဲကို ယနေ့နံံနက်ပိုင်းက မော်လမြိုင််မြို့၊ ငန်းတေးဂေါက်ကွင်း၌ စတင်ကျင်းပပြုလုပ်ခဲ့ပြီး မွန်ပြည်နယ်၊ ကရင်ပြည်နယ်နှင့် ဖိတ်ကြားထားသည့် ပြိုင်ပွဲအသင်းများမှ ဂေါက်သီးရိုက် အားကစားသမား (၂၂၀)ဦးခန့် ဝင်ရောက်ယှဉ်ပြိုင်ခဲ့ကြောင်း သိရှိရသည်။