မော်လမြိုင်၊ စက်တင်ဘာ ၃
မွန်ပြည်နယ်အနေဖြင့် စိုက်ပျိုးမွေးမြူရေးကို အခြေခံသည့် ကုန်ထုတ်လုပ်မှုလုပ်ငန်းများဖြင့် ထုတ်လုပ်မှုစွမ်းအား မြှင့်တင်ဆောင်ရွက်ကြရန် အလေးထားဆောင်ရွက်လျက်ရှိရာ စက်တင်ဘာလ ၂ ရက်နေ့၊
ညနေပိုင်းက မွန်ပြည်နယ်ဝန်ကြီးချုပ် ဦးအောင်ကြည်သိန်း၊ ပြည်နယ်ဝန်ကြီးများ၊ တာဝန်ရှိသူများသည် မော်လမြိုင်မြို့၊ လှိုင်ရပ်ကွက်၊ စိုက်ပျိုး၊ မွေးမြူရေး လုပ်ကိုင်ဆောင်ရွက်နိုင်ရေး ကွင်းဆင်း ကြည့်ရှုစစ်ဆေးခဲ့ကြသည်
ဆက်လက်ပြီး ပြည်နယ်ဝန်ကြီးချုပ်က စိုက်ပျိုး မွေးမြူရေး လုပ်ကိုင်ဆောင်ရွက်နိုင်မည့် မြေနေရာအား ကြည့်ရှုစစ်ဆေးခဲ့ကာ ပြည်နယ်ဝန်ကြီးချုပ်က စိုက်ပျိုး၊မွေးမြူရေး လုပ်ကိုင်ဆောင်ရွက်နိုင်ရေးအပေါ် လုပ်ငန်းများအမှန်တကယ်ဆောင်ရွက်နိုင်ရေး ကြပ်မတ်ကြရန် လိုအပ်သလို ရင်းနှီးမြှုပ်နှံရန် စိတ်ဝင်စားသည့် လုပ်ငန်းရှင်များ၊ ဒေသခံ တောင်သူများအတွက် အလုပ်အကိုင်အခွင့်အလမ်းများ ဖော်ဆောင်ပေး
နိုင်ရေး ဆောင်ရွက်ပေးကြရန် လိုအပ်ကြောင်းဖြင့် လမ်းညွှန်မှာကြားခဲ့သည်။
အဲဒီနောက် သက်ဆိုင်ရာ တာဝန်ရှိသူများမှ မွေးမြူရေး လုပ်ငန်း ဆောင်ရွက်နိုင်မည့် အခြေအနေများနှင့် သက်ဆိုင်ရာကဏ္ဍအလိုက် လိုအပ်ချက်များကိုတင်ပြခဲ့ကြ၍ ပြည်နယ်ဝန်ကြီးများနှင့် တာဝန်ရှိသူများက လိုအပ်သည်များကို ဖြည့်စွက်ဆွေးနွေး အကြံပြုတင်ပြခဲ့ကြပြီး ပြည်နယ်ဝန်ကြီးချုပ်က ပေါင်းစပ်ညှိနှိုင်း ဖြည့်ဆည်းဆောင်ရွက်ပေးခဲ့ပါသည်။
မွန်ပြည်နယ် အနေဖြင့် စိုက်ပျိုးရေးနှင့် မွေးမြူရေးလုပ်ငန်းများ၏ လုပ်ငန်း ကဏ္ဍ ဖွံ့ဖြိုးတိုးတက်လာစေရေးအတွက် ပိုမိုဖွံ့ဖြိုးတိုးတက်အောင် ဆောင်ရွက်နိုင်ရေးနှင့် အခြားစီးပွားရေးကဏ္ဏများကိုလည်း ဘက်စုံဖွံ့ဖြိုးတိုးတက်စေရေး ဆောင်ရွက်လျက်ရှိပါကြောင်း သိရှိရသည်။
