မော်လမြိုင်၊ စက်တင်ဘာ ၂
မွန်ပြည်နယ်အတွင်း ဘုရားဖူးလာရောက်ကြမည့် အများပြည်သူများ စိတ်အေးချမ်းသာစွာနှင့် ကြည်ညိုသပ္ပါယ်စွာ ဖူးမြော်နိုင်ရေးအတွက် ဘုရား၊ စေတီ၊ ပုထိုးများမှာ စုပေါင်းသန့်ရှင်းရေးတို့ကို ဆောင်ရွက်လျက်ရှိရာ စက်တင်ဘာလလ ၂ ရက်နေ့၊ နံနက်ပိုင်းက မွန်ပြည်နယ် ဝန်ကြီးချုပ် ဦးအောင်ကြည်သိန်း၊ ပြည်နယ်ဝန်ကြီးများနှင့် တာဝန်ရှိသူများသည် မော်လမြိုင်မြို့၊ တောင်ရိုးတန်းလမ်းတွင် တည်ထားကိုးကိုယ်တော်မူသော အောင်ဘယမုနိ စေတီတော်၏ ပစ္စယာ၊ရင်ပြင်တော်၊ တံတိုင်းများရှိ ရေညှိများ၊အမှိုက်များကို ဌာနဆိုင်ရာများ၊ မြန်မာနိုင်ငံရဲတပ်ဖွဲ့၊ မီးသတ်တပ်ဖွဲ့ဝင်များ၊ လူမှုရေးအသင်းအဖွဲ့များ၊ ရပ်ကွက်နေပြည်သူများက စုပေါင်းသန့်ရှင်းရေးကုသိုလ်ယူဆောင်ရွက်နေကြမှုအပေါ် ကြည့်ရှုအားပေးသည်။
ဆက်လက်ပြီး ပြည်နယ်ဝန်ကြီးချုပ်နှင့် ပြည်နယ်ဝန်ကြီးများက စေတီတော်မြတ်ကြီးအား ဖူးမြှော်ကြည်ညိုခဲ့ကြသည်။
အဲဒီနောက် ပြည်နယ်ဝန်ကြီးချုပ်က ဘုရား၊ စေတီ၊ ပုထိုးများ၏ ပရိဝုဏ် အတွင်း၊ အပြင် သန့်ရှင်းသာယာလှပစေရေး၊ စိမ်းလန်းစိုပြေစေရေး ကြည်ညိုသပ္ပါယ်စွာ ဖူးမြော်နိုင်ရေး ဝိုင်းဝန်း ဆောင်ရွက်ပေးကြရန် လမ်းညွှန်မှာကြားခဲ့ကာ တောင်ရိုးတန်းလမ်းတစ်လျှောက် စုပေါင်းသန့်ရှင်းရေး ဆောင်ရွက်နေကြမှုကို ကြည့်ရှုအားပေးခဲ့သည်။
မွန်ပြည်နယ်အတွင်း မြို့နယ်အသီးသီးရှိ ဘုရား၊ စေတီပုထိုးများတွင် စုပေါင်းသန့်ရှင်းရေး ကုသိုလ်ယူ ဆောင်ရွက်ခြင်းတို့ကို အပတ်စဉ်ပုံမှန် ဆောင်ရွက်လျက်ရှိကြောင်း သိရှိရသည်။
မွန်ပြည်နယ်အတွင်း ယာဉ်အန္တရာယ်၊ လမ်းအန္တရာယ် ကင်းရှင်းရန်နှင့် ယာဉ်ကြောပိတ်ဆို့မှု မဖြစ်စေရေး၊ မြို့တော်အင်္ဂါရပ်နှင့်အညီ သုံးဘီးယာဉ်များ စနစ်တကျ ပြေးဆွဲနိုင်ရေး၊ ခရီးသွား လုပ်သားပြည်သူများနှင့် ကျောင်းသား/ ကျောင်းသူများ အဆင်ပြေ ချောမွေ့စွာ သွားလာနိုင်ရေးကို ရည်ရွယ်၍ မွန်ပြည်နယ်ယာဉ်လုပ်ဝန်းများ ထိန်းသိမ်းကြီးကြပ်ရေးကော်မတီ မော်လမြိုင်မြို့နယ် စင်းလုံးငှားယာဉ်ငယ်လုပ်ငန်းများထိန်းသိမ်းကြီးကြပ်ရေးကော်မတီ၏ သုံးဘီးယာဉ်ဂိတ်ဖွင့်ပွဲအခမ်းအနားကို ယနေ့နံနက်ပိုင်းက မော်လမြိုင်မြို့၊ အဝေးပြေးယဉ်ရပ်နားစခန်း ( လှိုင်) ရှေ့တွင်ကျင်းပပြုလုပ်ခဲ့ရာ ပြည်နယ်ဝန်ကြီးချုပ်က မွန်ပြည်နယ်အတွင်း ယာဉ်အန္တရာယ်၊ လမ်းအန္တရာယ်ကင်းရှင်းစေရေးနှင့် သုံးဘီးယာဉ်များအား အငှားယာဉ်အဖြစ် ပြေးဆွဲရာတွင် သတ်မှတ်လုပ်ငန်း လိုင်စင်များပြုလုပ်၍ စနစ်တကျပြေးဆွဲနိုင်ရန်အတွက် စည်းကမ်းနှင့်အညီ စင်းလုံးငှား ခရီးသွားဝန်ဆောင်မှုလုပ်ငန်းအား အကောင်အထည်ဖော် ဆောင်ရွက်လျက်ရှိပါကြောင်း၊ ပြည်နယ်အတွင်း ပြေးဆွဲလျက်ရှိသည့် သုံးဘီးယာဉ်များအနေဖြင့် အချို့သုံးဘီးယာဉ်များမှာ အငှားယာဉ် မှတ်ပုံတင်ထားခြင်းမရှိဘဲ ပြေးဆွဲနေခြင်းမရှိစေရေး၊ မှတ်ပုံတင်ထားသည့် သုံးဘီးယာဉ်များ တပြေးညီဖြစ်စေရန်နှင့် ပြည်နယ်မြို့တော်အင်္ဂါရပ် နှင့်အညီ ယာဉ်အန္တရာယ် ကင်းရှင်းစွာ သွားလာစေရေး၊ ဥပဒေနှင့်အညီစနစ်တကျသွားလာစေရေးအတွက် အငှားယာဉ်ဂိတ်များ ထားရှိပြေးဆွဲနိုင်ရေး ဆောင်ရွက်ကြရန်လိုအပ်သလို စင်းလုံးငှားသုံးဘီးယာဉ်များအား ဂိတ်များအလိုက် ဖြန့်ခွဲ၍ စနစ်တကျ ပြေးဆွဲနိုင်ရန် ဂိတ်အလိုက် သင်္ကေတအမှတ်အသား များဖြင့် ဆောင်ရွက်ကြရန်လိုကြောင်း၊ သုံးဘီးယာဉ်များအား အငှားယာဉ်ဆောင်ရွက်နိုင်ရန် လက်ကမ်း စာစောင်များ ဖြန့်ဝေ၍ အသိပေးဆောင်ရွက်ကြစေလိုပြီး သတ်မှတ်ချက်များနှင့်အညီ ပြေးဆွဲလုပ်ကိုင်၍ ဆောင်ရွက်ရန် လိုအပ်ပါကြောင်း၊ ခရီးသွားပြည်သူများ စိတ်ချမ်းမြေ့စွာ သွားလာနိုင်ရေး၊ အလွယ်တကူငှားရမ်းနိုင်ရေး ဆက်သွယ်ဆောင်ရွက် ပေးခြင်းနှင့် ယာဉ်အန္တရာယ် ကင်းရှင်းစေရေး၊ ထိန်းသိမ်းကြီးကြပ်ရေး ကော်မတီတို့မှ ကြီးကြပ်ဆောင်ရွက်ပေးကြရန်နှင့် သုံးဘီးယာဉ်ပိုင်ရှင် များမှလည်း ကိုယ်စီကိုယ်ငှ စည်းကမ်းလိုက်နာပေးကြရန် တိုက်တွန်းလိုကြောင်းဖြင့် အမှာစကားပြောကြားခဲ့သည်။
ဆက်လက်ပြီး မွန်ပြည်နယ်ယာဉ်လုပ်ငန်းများ ထိန်းသိမ်းကြီးကြပ်ရေးကော်မတီ မော်လမြိုင်မြို့နယ် စင်းလုံးငှားယာဉ်ငယ်လုပ်ငန်းများထိန်းသိမ်းကြီးကြပ်ရေးကော်မတီ၏ သုံးဘီးစင်းလုံးငှား ယာဉ်ဂိတ်ဖွင့်ပွဲအခမ်းအနားကို ပြည်နယ်ဝန်ကြီးချုပ်နှင့် ပြည်ဝန်ကြီးများက ဖဲကြိုးဖြတ် ဖွင့်လှစ်ပေးခဲ့ကြပြီး ပြည်နယ်ဝန်ကြီးချုပ်နှင့် ပြည်နယ်ဝန်ကြီးများက သုံးဘီးဂိတ်နှင့် သုံးဘီးယာဥ်ဖြင့် လိုက်ပါစီးနင်းသည့် ခရီးသည်များအား လိုက်လံကြည့်ရှုအားပေး၍ အမှတ်တရ လက်ဆောင်ပေးအပ်ခဲ့ကြပြီး ပြည်နယ်ဝန်ကြီးချုပ်က အများပြည်သူ စိတ်ချမ်းမြေ့စွာ ခရီးသွားလာနိုင်ကြစေရေး ဆောင်ရွက်ကြရန် လိုကြောင်း၊ ယဉ်အန္တရာယ်၊ လမ်းအန္တရာယ်ကင်းရှင်းစေရေး စနစ်တကျဆောင်ရွက်ကြရန်နှင့် ယဉ်စည်းကမ်း၊ လမ်းစည်းကမ်း လိုက်နာကြစေရေး ကြပ်မတ်ဆောင်ရွက်ကြရန် လမ်းညွှန်မှာကြားသည်။
အဲဒီနောက် ပြည်နယ်ယာဉ်လုပ်ငန်းများ ထိန်းသိမ်းကြီးကြပ်ရေးကော်မတီရုံး၌ ပို့ဆောင်ရေး၊ စီမံကိန်းဦးစီးဌာန၊ ဒုတိယညွှန်ကြားရေးမှုးက မွန်ပြည်နယ်၊ မော်လမြိုင်မြို့ရှိ စင်းလုံးငှားဂိတ်ဖွင့်လှစ်ဆောင်ရွက်ထားသည့် လုပ်ငန်းအခြေအနေများ၊ ဆက်လက်ဆောင်ရွက်မည့် လုပ်ငန်းအခြေအနေများအား ရှင်းလင်းတင်ပြခဲ့မှုအပေါ် တာဝန်ရှိသူများမှ ဆွေးနွေးတင်ပြခဲ့ကြပြီး ပြည်နယ် ဝန်ကြီးများက ဝိုင်းဝန်းဆွေးနွေးအကြံပြုကြပြီး တင်ပြချက်များအပေါ် ပြည်နယ်ဝန်ကြီးချုပ်က လိုအပ်သည်များကို ပေါင်းစပ်ညှိနှိုင်းဖြည်းဆည်းဆောင်ရွက်ပေးခဲ့သည်။
မွန်ပြည်နယ် အနေဖြင့် အဝေးပြေးယဉ်ရပ်နားစခန်း ( လှိုင်)အပါအဝင်၊ ရွှေလမင်းဆေးရုံ၊ ဈေးကြီး (အပေါ်စျေး)၊ဈေးကြီး (အောက်စျး)၊ဈေးကြိုအဝေးပြေးကားဝင်း (အဝင်ဝ)၊မော်လမြိုင်တက္ကသိုလ်၊ အထွေထွေဆေးရုံကြီး၊စသည့်နေရာများတွင် ဂိတ်ဖွင့်လှစ်ဆောင်ရွက်သွားမည်ဖြစ် ပြီး မြို့နယ်အသီးသီးတွင်လည်း ဂိတ်ဖွင့်လှစ် ဆက်လက်ဆောင်ရွက်သွားမည်ဖြစ်ကြောင်း သိရသည်။
၂၀၂၃-၂၀၂၄ခုနှစ်၊မိုးစပါးရာသီရေကြီးနစ်မြုပ် ထိခိုက်ပျက်စီးဧကများအပေါ်မျိုးစပါး ထောက်ပံ့ပေးအပ်ပွဲအခမ်းအနားကို ယနေ့ နံနက်ပိုင်းက မော်လမြိုင်မြို့ ပြည်နယ်ခန်းမ၌ ကျင်းပရာ ပြည်နယ်ဝန်ကြီးချုပ်က ၂ဝ၂၃ခုနှစ်၊ ဇူလိုင်လကုန်နှင့် ဩဂုတ်လဆန်း ပိုင်းတွင် မိုးများအဆက်မပြတ် သည်းထန်စွာ ရွာသွန်းခဲ့မှုကြောင့် မွန်ပြည်နယ် အတွင်း မြို့နယ်အချို့တွင် ရေကြီးနစ်မြုပ်မှုများဖြစ်ပေါ်ခဲ့ပြီး မိုးစပါး စိုက်ခင်းများ ထိခိုက်ပျက်စီးဆုံးရှုံးမှုများ ဖြစ်ပေါ်ခဲ့သည့်အတွက် တောင်သူများအား လတ်တလော အနေဖြင့် အလျှင်အမြန် ဖာထေးစိုက်ပျိုးရန်အတွက် မျိုးစပါးများ ထောက်ပံ့ ပေးအပ်ရခြင်း ဖြစ်ပါကြောင်း၊ မွန်ပြည်နယ်အတွင်း အသားတင် စိုက်ပျိုးနိုင်သော မြေဧရိယာများစွာရှိပြီး စားနပ်ရိက္ခာဖူလုံရေးအတွက် (၂၀၂၂-၂၀၂၃ ခုနှစ်) တွင် စပါးစိုက်ပျိုးထုတ်လုပ်မှုအနေဖြင့် မိုးစပါး (၆၉၅,၆၁၀)ဧက စိုက်ပျိုးနိုင်ခဲ့ပြီး အထွက်တင်းပေါင်း (၄၄,၂၄၉,၁၆၇)တင်း၊ နွေစပါး (၄၅,၆၂၈)ဧက စိုက်ပျိုးနိုင်ခဲ့ပြီး အထွက်တင်းပေါင်း (၃,၅၃၀,၀၀၄)တင်း စိုက်ပျိုးထုတ်လုပ်နိုင်ခဲ့ သလို ဆီထွက်သီးနှံများ၊ ပဲမျိုးစုံ၊ ရာသီ သီးနှံများကိုလည်း ရည်မှန်းချက်ထက် ကျော်လွန်စေရေး ဆောင်ရွက်သွားကြမည်ဖြစ်ကြောင်း၊ ရာသီဥတုပြောင်းလဲမှု ဒဏ်ခံနိုင်မှု နည်းသဖြင့် အထွက်နှုန်းကောင်းသည့် မျိုးကောင်းမျိုးသန့်များ ပြောင်းလဲစိုက်ပျိုး၍ ပြည်နယ်အတွင်း ဆန်စပါးအပါဝင် ဆီထွက်သီးနှံများ အထွက်နှုန်း မြင့်မားပြီးစေရေး စိုက်ပျိုးပေးကြရန် လိုအပ်ကြောင်း၊ လယ်ယာထွက်ကုန် သီးနှံများထက် ရာသီဥတုပြောင်းလဲမှု ဒဏ်ခံနိုင်မှု နည်းသဖြင့် အထွက်နှုန်းကောင်းသည့် မျိုးကောင်းမျိုးသန့်များ ပြောင်းလဲစိုက်ပျိုး၍ အထွက်အထွက်နှုန်း မြင့်မားပြီး ပန်းတိုင်ရည်မှန်းချက် ပြည့်မီစေရေး၊ စားနပ်ရိက္ခာ ဖူလုံစေရေး အတွက် သီးနှံတစ်မျိုးချင်းအလိုက်၊ ရာသီအလိုက်၊ ဒေသအလိုက် လုပ်ငန်း အစီအမံများ ချမှတ်ဆောင်ရွက်ပေးကြရန်လည်း လိုအပ်ပါကြောင်း၊ ပြည်နယ်အတွင်းစားသုံးမှုဖူလုံရေး၊ တောင်သူများအနေဖြင့် ပြည်ပပို့ကုန်တိုးမြှင့်တင်ပို့နိုင်ရေးအတွက် လျာထားစိုက်ဧက ပြည့်မီရန် နှင့် တစ်ဧက အထွက်နှုန်းတိုးတက်ရန်အတွက် ဆောင်ရွက်လျက်ရှိရာ သီးနှံ များ၏ စိုက်ဧကပြည့်မီရေး၊ အထွက်နှုန်းနှင့် အရည်အသွေးကောင်းမွန်ရေးတို့ အတွက် စိုက်ပျိုးထုတ်လုပ်နိုင်ရေး ဆောင်ရွက်ပေးကြပါရန် တိုက်တွန်းလိုကြောင်းဖြင့် ပြောကြားသည်။
ဆက်လက်ပြီးပြည်နယ်ဝန်ကြီးချုပ်၊ ပြည်နယ်တရား လွှတ်တော်တရားသူကြီးချုပ်နှင့် ပြည်နယ် ဝန်ကြီးတို့က ကျိုက်မရောမြို့နယ်နှင့် ပေါင်မြို့နယ်အား မျိုးစပါးများ အသီးသီးထောက်ပံ့ ပေးအပ်ခဲ့ရာ တောင်သူများက လက်ခံရယူပြီး ရေကြီးနစ်မြုပ်ပျက်စီးသွားသော တောင်သူများ အနက် တောင်သူတစ်ဦးမှ ကျေးဇူးတင်စကားပြန်လည်ပြောကြားခဲ့သည်။
အဲဒီနောက် ပြည်နယ်ဝန်ကြီးချုပ်တောင်သူများအား ရင်းရင်းနှီးနှီးလိုက်လံနှုတ်ဆက်အားပေး၍ ခင်းကျင်းပြသထားသည့် သဘာဝဓာတ်မြေ သြဇာနှင့် မျိုးစပါးများကို လှည့်လည်ကြည့်ရှု အားပေးခဲ့သည်။
မွန်ပြည်နယ်အတွင်း၂၀၂၃-၂၀၂၄ခုနှစ်၊မိုးစပါးရာသီရေကြီးနစ်မြုပ် ထိခိုက်ပျက်စီးဧကများအပေါ် အချိန်မီ ပြန်လည်ဖာထေးစိုက်ပျိုးနိုင်ရန်အတွက် စိုက်ပျိုးရေးဦးစီးဌာန (ရုံးချုပ်) အစီအစဉ်ဖြင့် စုဆောင်းထားရှိသော အရံ မျိုးစပါး ရက်(၉၀) မျိုးတင်းပေါင်း (၁,၀၀၀)အား ရေကြီးနစ်မြုပ်မှု ဧရိယာနည်းသည့် ကျိုက်မရောမြို့နယ်နှင့် ပေါင်မြို့နယ်ရှိ တောင်သူများအား ကနဦး ထောက်ပံပေးအပ်ခဲ့ကြောင်းသိရှိရသည်။
