မော်လမြိုင်၊ နိုဝင်ဘာ ၁
၂၀၂၃ ခုနှစ်၊ နိုဝင်ဘာလ ၁ ရက်နေ့မှစတင်၍ တစ်နိုင်ံလုံးအတိုင်းအတာဖြင့် တိုင်းဒေသကြီး၊ ပြည်နယ်များတွင် တိရစ္ဆာန်ကောင်ရေစာရင်းကောက်ယူခြင်းကို ဆောင်ရွက်လျက်ရှိရာ မွန်ပြည်နယ် တိရစ္ဆာန်ကောင်ရေစာရင်းကောက်ယူခြင်းအား ကွင်းဆင်းကြီးကြပ် ကြည့်ရှု စစ်ဆေးခြင်း အခမ်းအနားကို ယနေ့နံနက်ပိုင်းက ချောင်းဆုံမြို့နယ်၊ ဘိုးနက်ကျေးရွာတွင် ကျင်းပပြုလုပ်ရာ မွန်ပြည်နယ်ဝန်ကြီးချုပ် ဦးအောင်ကြည်သိန်း၊ ပြည်နယ််ဝန်ကြီးများ၊ တာဝန်ရှိသူများ၊ စာရင်းကောက်အဖွဲ့များ၊ မွေးမြူရေးလုပ်ငန်း ဆောင်ရွက်သူများ တက်ရောက်သည်။
အခမ်းအနားတွင် ပြည်နယ်ဝန်ကြီးချုပ်က စိုက်ပျိုးနှင့် မွေးမြူရေးလုပ်ငန်းများကို အဓိကထား လုပ်ကိုင်သည့် ပြည်နယ်တစ်ခုဖြစ်သည်နှင့်အညီ ပြည်တွင်း စားနပ်ရိက္ခာဖူမှုရှိစေလုံရေးအတွက် စိုက်ပျိုုးရေးလုပ်ငန်းအပြင် မွေးမြူရေးလုပ်ငန်းများကိုလည်း ပိုမိုဖွံ့ဖြိုးတိုးတက်စေရေး အထူးအလေးထားဆောင်ရွက်လျက်ရှိပါကြောင်း၊ မွေးမြူရေးလုပ်ငန်းများ၏ လုပ်ငန်း ကဏ္ဍ ဖွံ့ဖြိုးတိုးတက်လာစေရေးအတွက် မွန်ပြည်နယ်အနေဖြင့် မြို့နယ်အသီးသီးရှိ ရပ်ကွက် ရပ်ကွက်၊ ကျေးရွာ စုစုပေါင်း (၁၁၀) တွင် တိရစ္ဆာန်ကောင်ရေစာရင်းကောက်ယူခြင်းအား ဆောင်ရွက်သွားမည်ဖြစ်ပြီး ယခုချောင်းဆုံမြို့နယ်တွင် စာရင်းကောက်ယူသွားမည်ဖြစ်ကြောင်း၊ စာရင်းကောက်အဖွဲ့များအနေဖြင့် သတ်မှတ်ထားသော ပုံစံများတွင် ပါရှိတဲ့အချက်အလက်များအား အိမ်ထောင်စု များကို စနစ်တကျ သေချာမေးမြန်း ဖြည့်စွက်ပေးရန် လိုအပ်ပါသလို မြို့နယ်များလည်းမှ mobile phone ဖြင့် တိကျခိုင်မာသည့် အချက်အလက်များ မှန်ကန်စွာ ဖြည့်စွက်ပေးကြရန်လိုကြောင်း၊ တိရစ္ဆာန်ကောင်ရေစာရင်းဇယားများ မှန်ကန်ရေးသည် စာရင်းကောက်တွေအပေါ်မှာ အဓိက မူတည်၍ စာရင်းကောက်များဟာ မွေးမြူရေးနှင့် ကုသ ရေးဦးစီးဌာန၊ သက်ဆိုင်ရာ ဌာန၊ အဖွဲ့အစည်းများနှင့် ပူးပေါင်းချိန်ဆက် ဆောင်ရွက်သွားကြရန်နှင့် မွေးမြူရေးလုပ်ငန်းများဆောင်ရွက်ရာတွင် စနစ်တကျ မွေးမြူရေးလုပ်ငန်းများဆောင််ရွက်နိုင်ရေး အသိပညာပေးဆောင်ရွက်ခြင်း၊ ခေတ်မီ မွေးမြူရေး နည်းစနစ်များဖြင့် စနစ်တကျအောင်မြင်စွာ မွေးမြူနိုင်ရေး ဝိုင်းဝန်းဆောင်ရွက်ပေးကြရန်ဖြင့် လမ်းညွှန်ကြားခဲ့သည်။
ဆက်လက်ပြီး မွန်ပြည်နယ်၊ မွေးမြူရေးနှင့် ကုသရေးဦးစီးဌာန ပြည်နယ်ဦးစီးမှူး ဒေါက်တာနီနီမော်မှ ချောင်းဆုံမြို့နယ်အပါအဝင် အခြားမြို့နယ်များ၌ တိရစ္ဆာန် ကောင်ရေစာရင်းကောက်ယူခြင်းနှင့် ပတ်သက်၍ ရှင်းလင်တင်ပြခဲ့သည်။
အဲဒီနောက် ပြည်နယ်ဝန်ကြီးချုပ်က ချောင်းဆုံမြို့နယ််၊ ဘိုးနက်ကျေးရွာတွင် တိရစ္ဆာန်ကောင်ရေစာရင်းကောက်ယူနေမှု အခြေအနေများအား ကြည့်ရှုစစ်ဆေးခဲ့ပြီး လိုအပ်သည်များကို ပေါင်းစပ်ညှိနှိုင်း ဆောင်ရွက်ပေးခဲ့သည်။
(၂၄) ကြိမ်မြောက် မြန်မာ့ရိုးရာယဉ်ကျေးမှု အဆို ၊ အက ၊ အရေး ၊ အတီး ဗဟိုအဆင့်ပြိုင်ပွဲများနှင့် မဟော်သဓာဇတ်တော်ကြီး ပြိုင်ပွဲများတွင် ဆုရရှိခဲ့ကြသည့် ပြိုင်ပွဲဝင် အသင်းသူ /အသင်းသားများ ၊ အုပ်ချုပ်သူအဖွဲ့သားများအား ယနေ့ညနေပိုင်းက သံလွင်တံတား (မော်လမြိုင်) တွင် မွန်ပြည်နယ်ဝန်ကြီးချုပ် ဦးအောင်ကြည်သိန်း၊ အရှေ့တောင်တိုင်းစစ်ဌာနချုပ်တိုင်းမှူး၊ ပြည်နယ်ဝန်ကြီးများ၊ တာဝန်ရှိသူများ၊ ကျောင်းသူ၊ ကျောင်းသား၊ မွန်ပြည်နယ်သူ၊ ပြည်နယ်သူ၊ ပြည်နယ်သားများက အောင်သပြေခက်နှင့် ဂုဏ်ပြုပန်းခြင်းများဖြင့် လှိုက်လှဲဝမ်းမြောက်စွာစွာ ဂုဏ်ပြုကြိုဆိုခဲ့ကြသည်။
အဲဒီနောက် (၂၄) ကြိမ်မြောက် မြန်မာ့ရိုးရာယဉ်ကျေးမှု အဆို ၊ အက ၊ အရေး ၊ အတီး ဗဟိုအဆင့်ပြိုင်ပွဲများနှင့် မဟော်သဓာဇတ်တော်ကြီး ပြိုင်ပွဲများတွင် ဆုရရှိခဲ့ကြသည့် ပြိုင်ပွဲဝင် အသင်းသူ /အသင်းသားများ ၊ အုပ်ချုပ်သူအဖွဲ့သားများအား ဂုဏ်ပြုကြိုဆိုပွဲ အခမ်းအနားကို မော်လမြိုင်မြို့၊ ပြည်နယ်ခန်းမ၌ ဆက်လက်ကျင်းပပြုလုပ်ရာပြည်နယ်ဝန်ကြီးချုပ်၊ တိုင်းမှူးနှင့်ပြည်နယ်၀န်ကြီးများတက်ရောက်၍ ပြည်နယ်ဝန်ကြီးချုပ်က (၂၄) ကြိမ်မြောက် မြန်မာ့ရိုးရာယဉ်ကျေးမှု အဆို ၊ အက ၊ အရေး ၊ အတီး ဗဟိုအဆင့်ပြိုင်ပွဲများနှင့် မဟော်သဓာဇတ်တော်ကြီး ပြိုင်ပွဲတွင် ပထဆု (ရွှေတံဆိပ်ဆု) များ ရရှိသည့် အတွက် အထူးဝမ်းမြောက်ဂုဏ်ယူမိပါကြောင်း၊ ထို့အပြင် အနုပညာ အရည်အချင်းများဖြင့်
ကြိုးစားအားထုတ် ယှဉ်ပြိုင်ခဲ့ကြ၍ ယခုလို ရွှေတံဆိပ်၊ ငွေတံဆိပ်၊ ကြေးတံဆိပ်ဆုများကို မွန်ပြည်နယ်အတွက် ပြည်နယ်ဂုဏ်ဆောင်စွာထိုက်ထိုက်တန်တန် ရရှိခဲ့ခြင်းဖြစ်ကြောင်း၊ မြန်မာတို့ရဲ့ ရိုးရာ ယဉ်ကျေးမှု အနုပညာရပ်များကို ယခုလိုပြိုင်ပွဲများ ကျင်းပပေး၍ စောင့်ရှောက်မြှင့်တင်ပေးခြင်းအားဖြင့် မိမိနိုင်ငံ၊ မိမိလူမျိုးရဲ့ အမျိုးသားရေး ဂုဏ်သိက္ခာကို အမျိုးသားယဉ်ကျေးမှုနဲ့ ယှဉ်တွဲပြီး မြင့်မားထည်ဝါ စေရအောင် စွမ်းဆောင်မြှင့်တင်ပေးခြင်း ဖြစ်ပြီး အမျိုးသားယဉ်ကျေးမှုကို ထိန်းသိမ်းမြှင့်တင်ခြင်းအားဖြင့် မြန်မာလူမျိုးတို့ရဲ့ အမျိုးသားရေး စရိုက်လက္ခဏာများ၊ အမျိုးသားယဉ်ကျေးမှု ဓလေ့ထုံးတမ်းစဉ်လာများ၊ အမျိုးသားရေးစံနှုန်းများနဲ့ ပိုမိုအားပြည့် ခိုင်မာစေရအောင် အနုပညာစွမ်းပကားဖြင့် နောင်နှစ်ပြိုင်ပွဲများမှာလည်း မွန်ပြည်နယ်၏ ဂုဏ်ကို မြှင့်တင် စွမ်းဆောင််ပေးကြပါရန်ဖြင့် ဂုဏ်ပြုအမှာစကား ပြောကြားခဲ့သည်။
အဲဒီနောက် မြန်မာ့ရိုးရာယဉ်ကျေးမှု အဆို ၊ အက ၊ အရေး ၊ အတီး ဆုရပြိုင်ပွဲဝင်များက ပြည်နယ်ဝန်ကြီချုပ်အား ဂါရပပြုကန်တော့ခဲ့ကြပြီး ပြည်နယ်ဝန်ကြီးချုပ်က ပြိုင်ပွင်ဝင်များအား ရင်းရင်းနှီးနှီး ဂုဏ်ပြုအားပေး နှုတ်ဆက်ခဲ့ကြောင်း သိရှိရသည်။
